پێغەمبەر -صلى اللە علیە وسلم- هەواڵیداوە بە هاتنی مانگی ڕەمەزان سێ شت ڕوودەدات: یەکەم: دەرگاکانی بەهەشت دەکرێنەوە وهیچ دەرگایەکی داناخرێت. دووەم: دەرگاکانی دۆزەخ دادەخرێن وهیچ دەرگایەکی ناکرێتەوە. سێیەم: شەیتانەکان وجنۆکەکان کۆت وبەند دەکرێن، وناتوانن بگەن بەوەی پێش ڕەمەزان پێی دەگەشتن و ئەنجامیان دەدا. هەموو ئەمانە ڕێز وگەورەییە بۆ مانگی ڕەمەزان، و هاندانی چاكەکارانە بۆئەوەی زۆر پەرستن ئەنجام بدەن لە نوێژ وخێر وبەخشین وزیکر وخوێندنی قورئان، وە دوورکەوتنەوە لە تاوان وسەرپێچییەکان.

• فەزڵی مانگی ڕەمەزان.
• موژدەیە بۆ ئیمانداران تێیدا کە ئەم مانگە پیرۆزە مانگی پەرستن وخێرکردنە.
• کۆت وبەند کردنی شەیتانەکان لە مانگی ڕەمەزان ئاماژەیە بۆ هەڵگرتنی پۆزشی كەسی پێسپێردراو هەروەکو ئەوە وایە پێی بووترێت: شەیتانەکان دوور خرانەوە وپۆزشت نەما بەوەی واز لە پەرستن بهێنیت وتاوان ئەنجام بدەیت.
• قورتوبی دەڵێت: ئەگەر ووترا: ئێمە تاوان وخراپەکاری زۆر دەبینین لە ڕەمەزاندا ئەگەر شەیتانەکان کۆت وزنجیر کرابن ئەمە ڕوونادات؟ لە وەڵامدا دەووترێت: تاوان دوور دەخرێتەوە لە ئەو ڕۆژووەوانەی بە جوانی بەڕۆژووە وهەموو مەرج و ئاكارەكانی ڕۆژووی هێناوەتە جێ، یان دەووترێت: هەموو شەیتانەکان کۆت وبەند ناکرێن بەڵکو ملهوڕ وسەركەشەكانیان کۆت وبەند دەکرێن هەروەکو چۆن لە هەندێك ڕیوایەتدا ئاماژەی پێکراوە، یان دەووترێت: مەبەست کەمبوونەوەی خراپەکارییە نەک بنەبڕ کردنی، وئەمیش بینراوە وهەست پێکراوە لە مانگی ڕەمەزاندا، وە کۆت وبەند کردنی شەیتانەکان واتای ئەوە نیە خراپەکاری ڕوونەدات؛ وڕوودانی خراپەکاری چەند هۆکارێکی هەیە بێجگە لە شەیتانەکان لە نەفسی پیس وخووی خراپ ومرۆڤە شەیتان ئاساکان.

1. سه‌ره‌كی
2. فیقهی شەرعی وبنچینەکانی (الفقه وأصوله)
3. فیقهی پەرستنەکان
4. ڕۆژووگرتن
5. فەزڵی ڕۆژووگرتن
6. فەرموودە

• ئەوەی مانگی ڕەمەزان بە ڕۆژوو بێت بە باوەڕ وئیمانەوە وچاوەڕێی پاداشت بێت لەسەری لە لایەن خوداوە؛ ئەوا خوای گەورە لە هەموو تاوانەکانی پێشووی خۆش دەبێت...
• هەرکەسێکتان توانى ئەوا با هاوسەرگیری بکات؛ چونکە ئەمە چاو ودامێن دەپارێزێت، وئەوەى ناتوانێت ئەوا با رۆژوو بگرێت؛ چونکە ڕۆژووگرتن قەڵغانە (ئارەزوو كەمدەكاتەوە)...
• خوای گەورەی بەرز وشکۆدار دەفەرموێت: «هەموو کردەوەکانی نەوەی ئادەم بۆ خۆیەتی؛ جگە ڕۆژووگرتن نەبێت، بە دڵنیاییەوە بۆ منە ومن پاداشتی لە سەر دەدەمەوە...
• هەرکەسێک ڕۆژێک لە پێناو خواى گەورە بەڕۆژوو بێت؛ ئەوا خواى گەورە چاڵێک دەخاتە نێوان ئەو ودۆزەخ چاڵێک (پانتاییەکەى) وەکو دووری نێوان ئاسمان وزەوییە...