Nagpabatid ang Propeta (basbasan siya ni Allāh at pangalagaan) na kapag sumapit ang buwan ng Ramaḍān, nangyayari ang tatlong pangyayari: Una. Binubuksan ang mga pinto ng Paraiso sapagkat walang ipinipinid na pinto mula sa mga iyon. Ikalawa. Ipinipinid ang mga pinto ng mga Impiyerno sapagkat walang binubuksang pinto mula sa mga iyon. Ikatlo. Tinatalian ang mga demonyo at ang mga tagapaghimagsik na jinn ng mga tanikala kaya hindi sila makaaabot sa naaabot nila dati sa hindi Ramaḍān. Ang lahat ng iyon ay isang pagdakila sa buwang ito at isang pagpapaibig sa mga tagagawa ng karamihan ng mga pagtalima gaya ng ṣalāh, kawanggawa, dhikr, pagbigkas ng Qur'ān, at iba pa rito, at ng paglayo sa mga pagkakasala at mga pagsuway.

• Ang Kainaman ng Buwan ng Ramaḍān
• Isang nakagagalak na balita para sa mga tagapag-ayuno rito dahil ang pinagpalang buwang ito ay panahon ng pagsamba at kabutihan.
• Sa paggapos sa mga demonyo sa Ramaḍān ay may pahiwatig sa pagpawi ng maidadahilan sa naatangan ng tungkulin. Para bang siya ay sinasabihan: Pinigilan na ang mga demonyo sa iyo kaya huwag kang magdahi-dahilan sa pamamagitan nila sa pagwaksi ng pagtalima ni sa paggawa ng pagsuway.
• Nagsabi si Al-Qurṭubīy: Kaya kung sinabi: "Papaano nating makikita ang mga kasamaan at ang mga pagsuway na nagaganap sa Ramaḍān nang madalas sapagkat kung sakaling iginapos ang mga demonyo, hindi mangyayari iyon?" Ang sagot: Tunay na ang mga ito ay nangangaunti lamang sa mga tagapag-ayuno ng pag-ayuno na pinangalagaan ang mga kundisyon nito at isinaalang-alang ang mga etiketa nito. O ang iginapos ay ang ilan sa mga demonyo, ang mga mapaghimagsik, hindi lahat sila gaya ng nailahad sa ilan sa mga salaysay. O ang tinutukoy ay ang pagpapakaunti ng mga kasamaan dito. Ito ay pangyayaring nadarama sapagkat tunay na ang pagkapangyari niyon sa [buwang] ito ay higit na kaunti kaysa sa iba. Ito ay yayamang hindi naman naoobliga sa pagkagapos sa lahat sa kanila na walang maganap na isang kasamaan o isang pagsuway dahil iyon ay may mga kadahilanang hindi sanhi ng mga demonyo, gaya ng mga kaluluwang karima-rimarim, mga kinahiratiang pangit, at mga demonyong tao.

1. Ang Pangunahin
2. Ang Fiqh at ang mga Batayan Nito
3. Ang Fiqh ng mga Pagsamba
4. Ang Pag-aayuno
5. Ang Kalamangan ng Pag-aayuno
6. Ang ḥadīth

• Ang sinumang nag-ayuno sa landas ni Allah, maglalagay si Allah sa pagitan niya at ng Impiyerno ng isang kanal [na ang luwang ay] gaya ng sa pagitan ng langit at lupa.
• Ang sinumang makakakaya sa pagpapamilya ay mag-asawa siya sapagkat tunay na ito ay higit na pumipigil sa [bawal na] tingin at higit na nangangalaga sa ari. Ang sinumang hindi makakakaya, kailangan sa kanya ang pag-aayuno sapagkat tunay na i...
• Ang sinumang nag-ayuno sa Ramaḍān dala ng pananampalataya at dala ng pag-asang gagantimpalaan, patatawarin sa kanya ang anumang nauna na pagkakasala niya."}
• Nagsabi si Allāh (napakataas Siya): "Ang bawat gawain ng anak ni Adan ay para sa kanya maliban sa pag-aayuno sapagkat tunay na ito ay para sa Akin at Ako ay gaganti sa Kanya