پێغەمبەر -صلى اللە علیە وسلم- پێمان ڕادەگەیەنێت كە ئیماندار هێشتا لە فراوانیدایە لە كردەوە چاكەكانی، وبە هیوای ڕەحمەت ولێخۆشبوونی الله یە، هەتاوەكو مرۆڤێك دەكوژێت كە كوشتنی حەرامكراوە؛ ئەگەر وابكات ئەوا كردەوەكانی تووشی تەنگی دەبن چونكە ناگەنە ئاستی گەورەیی تاوانی كوشتن.

• مەزنی تاوانی كوشتنی بە ناهەق وئەنقەست، چونكە دەبێتە هۆی ئەوەی ئیماندار دەربچێت لە فراوانی لێخۆشبوون لە ئایندا بەرەو تەنگی وناڕەحەتی.
• خوێنە حەرامكراوەكان چوار جۆرن: 1- خوێنی مسوڵمان، ئەمیش مەزنترینیانە. 2- خوێنی زیمی، بریتین لە جولە وگاوڕەكان؛ ئەوانەی لە خاكی ئیسلام دەژین لەسەر ئاینی خۆیان وپابەندن بە سەرانە دان، وحوكمەكانی ئیسلام بەسەریاندا جێبەجێ دەبێت. 3- خوێنی موعاهەد، ئەو كافرانە دەگرێتەوە كە لە وڵاتی خۆیانن ولە نێوان ئێمە وئەوان پەیمان هەیە، دژیان ناجەنگین وئەوانیش دژی ئێمە ناجەنگن. 4- خوێنی موستەئمین، ئەو كافرەیە كە لە جەنگدایە دژی مسوڵمانان ولە نێوان ئێمە وئەودا هیچ پاراستن وپەیمانێك نییە، بەڵام بۆ ماوەیەكی دیاریكراو لە ژێر ئاسایشی ئێمەدایە ودێتە نێو خاكی مسوڵمانانەوە بەهۆی ڕوخسەت پێدانی فەرمانڕەوا یان نوێنەرەكانی.

1. سه‌ره‌كی
2. فیقهی شەرعی وبنچینەکانی (الفقه وأصوله)
3. تاوانەکان
4. فەرموودە

• هەركەسێك خۆی فڕێبداتە خوارەوە لە شاخێك وخۆی بكوژێت؛ ئەوا لە ئاگری دۆزەخدایە تێیدا خۆی فڕێ دەداتەوە خوارەوە بە بەردەوامی
• نابێت هیچ یەكێكتان بە چەك ئاماژە بۆ براكەی بكات، چونكە لەوەیە شەیتان وایلێبكات لە دەستی دەربچێت، بۆیە دەكەوێتە نێو چاڵێك لە ئاگر