নবী চাল্লাল্লাহু আলাইহি অছাল্লামে হাদীছটোত নিৰ্দেশনা দিছে যে, মছজিদত সোমোৱাৰ সময়ত তেখেত চাল্লাল্লাহু আলাইহি অছাল্লামৰ ওপৰত এই বুলি দৰূদ আৰু ছালাম পাঠ কৰিব লাগেঃ আল্লাহুম্মা চাল্লি অছাল্লিম আলা মুহাম্মদ। ইয়াৰ পিছত এই দুআ পাঠ কৰিব লাগেঃ আল্লা-হুম্মাফ তাহলী আবওৱাবা ৰাহমাতিক। এইদৰে মছজিদৰ পৰা ওলোৱাৰ সময়ত নবী চাল্লাল্লাহু আলাইহি অছাল্লামৰ প্ৰতি দৰূদ পাঠ কৰি এই দুআ ক'ব লাগেঃ আল্লাহুম্মা' চিমনি মিনাশ্ব শ্বাইত্বনিৰ ৰাজীম। হাকিমৰ বৰ্ণনাত আছে যে, এই দুআ পঢ়িব লাগেঃ আল্লাহুম্মা আজিৰনি মিনাশ্ব শ্বাইত্বনিৰ ৰাজীম।

• মছজিদত প্ৰৱেশ কৰাৰ সময়ত আৰু ওলোৱাৰ সময়ত এই দুআটো পাঠ কৰা মুস্তাহাব।
• এই দুআটো প্ৰত্যেক মছজিদৰ বাবে প্ৰযোজ্য, আনকি মছজিদুল হাৰামৰ বাবেও।
• প্ৰৱেশৰ সময়ত আল্লাহৰ ৰহমত বিচাৰি দুআ কৰা আৰু ওলোৱাৰ সময়ত বিতাৰিত চয়তানৰ অনিষ্টৰ পৰা আল্লাহৰ ওচৰত নিৰাপত্তা বিচাৰি প্ৰাৰ্থনা কৰাৰ কাৰণ হৈছে, মছজিদত প্ৰৱেশকাৰী ব্যক্তিয়ে মছজিদৰ ভিতৰত এনেকুৱা কৰ্মত ব্যস্ত থাকে যিবোৰৰ দ্বাৰা আল্লাহৰ নৈকট্য অৱলম্বন কৰিব পৰা যায় আৰু জান্নাত লাভ হয়, সেইকাৰণে এই সময়ছোৱাত ৰহমত বিচাৰি দুআ কৰাটো বেছি উপযুক্ত। পক্ষান্তৰে মছজিদৰ পৰা বাহিৰ হৈ তেওঁ পৃথিৱীৰ বিভিন্ন ব্যস্ততা আৰু বিভ্ৰান্তিৰ মাজত প্ৰৱেশ কৰে। সেইকাৰণে এই সময়ছোৱাত আল্লাহৰ ওচৰত চয়তানৰ অনিষ্টৰ পৰা নিৰাপত্তা আৰু সুৰক্ষা বিচাৰি প্ৰাৰ্থনা কৰাটো বেছি উপযুক্ত।

1. মুখ্য পৃষ্ঠা
2. ফিক্হ আৰু উচুলে ফিক্হ
3. ইবাদাত সম্পৰ্কীয় ফিক্হ
4. নামাজ
5. মছজিদৰ বিধান
6. হাদীছ

• যেতিয়া তোমালোকৰ মাজৰ কোনোবাই মছজিদত প্ৰৱেশ কৰে, তেতিয়া তেওঁ বহাৰ আগতে দুই ৰাকাত নামাজ পঢ়ি লোৱা উচিত।...
• আল্লাহৰ ওচৰত আটাইতকৈ প্ৰিয় ঠাই হৈছে মছজিদ, আৰু আটাইতকৈ ঘৃণনীয় ঠাই হৈছে বজাৰ।
• হে আল্লাহ! মোৰ কবৰক তুমি মূৰ্তিত পৰিণত নকৰিবা।
• “সিহঁত হৈছে এনেকুৱা এটা জাতি, সিহঁতৰ মাজৰ কোনোবা এজন পূণ্যৱান বান্দা অথবা পূণ্যৱান ব্যক্তি মৃত্যুবৰণ কৰিলে সিহঁতে তেওঁৰ কবৰৰ ওপৰত মছজিদ (ইবাদতৰ স্থান) নির্মাণ কৰিছিল...