Gumabay ang Propeta (basbasan siya ni Allāh at pangalagaan) sa Muslim na kapag nagnais ito na pumasok sa masjid ay bumati siya sa Propeta (basbasan siya ni Allāh at pangalagaan) sa pamamagitan ng pagsabi ng: "Allāhumma ṣalli `alā Muḥammad. (O Allāh, basbasan Mo si Muḥammad.)" pagkatapos magsabi siya ng: "Allāhumma -­ftaḥ lī abwāba raḥmatik (O Allāh, magbukas Ka para sa akin ng mga pintuan ng awa Mo)." Kapag naman lumabas siya, bumati rin siya sa Propeta (basbasan siya ni Allāh at pangalagaan) at magsabi siya ng: "Allāhumma -`ṣimnī mina ­shshayṭāni ­-rrajīm. (O Allāh, magsanggalang Ka sa akin laban sa demonyong kasumpa-sumpa.)" Sa isang salaysay naman ni Al-Ḥākim: "... at magsabi siya ng: 'Allāhumma -`ṣimnī mina ­shshayṭāni ­-rrajīm. (O Allāh, magkalinga Ka sa akin laban sa demonyong kasumpa-sumpa.)'"

• Ang pagsasakaibig-ibig ng panalanging ito sa sandali ng pagpasok sa masjid at paglabas mula roon.
• Ang dhikr ay pangkalahatan sa lahat ng mga masjid, pati na sa Masjid na Pinakababanal.
• Ang pagtatangi ng pagbanggit ng awa sa pagpasok at pagsasanggalang sa demonyo sa paglabas ay na ang pumapasok [sa masjid] ay nagsasamantala sa nagpapalapit sa kanya kay Allāh at sa Paraiso Nito kaya nababagay na bumanggit siya ng awa. Kapag naman lumabas siya, tunay na siya ay tumatahak sa Mundo kalakip ng narito na mga tagapagpalingat at mga tagapag-abala kaya nababagay na humiling siya kay Allāh ng pangangalaga at pag-iingat laban sa demonyo.