ነቢዩ (የአላህ ሰላትና ሰላም በእርሳቸው ላይ ይስፈን) ሰዎች ፀሐይ መግባቷን ካረጋገጡ በኋላ ከጾም ማፍጠርን እስካቻኮሉ ድረስ መልካም ላይ ከመሆን አይወገዱም ብለው ተናገሩ። ይህም ሱናን በመተግበራቸውና የተወሰነላቸው ገደብ ላይ በመቆማቸው ነው።

• ነወዊይ እንዲህ ብለዋል: «ይህ ሐዲሥ ፀሐይ መግባቷ ከተረጋገጠ በኋላ በፍጥነት በማፍጠር ላይ ያነሳሳል። ሀሳቡም ኡመቶቼ ይህን ሱና መጠበቅን እስከዘወተሩበት ድረስ ጉዳያቸው የተስተካከለና ስርዓት የያዘ ከመሆን አይወገድም። ያዘገዩት ጊዜ ደግሞ ይህ ለሚወድቁበት ብልሽት ምልክት ይሆናል።»
• ሰዎች ሱናን በመከተላቸው ምክንያት በመካከላቸው መልካም ነገር እንደሚቆይና የነገሮች መበላሸት ሱናን ከመለወጥ ጋር ተያይዞ እንደሚመጣ እንረዳለን።
• የመጽሐፍ ባለቤቶችና የቢድዓ ሰዎችን መቃረን እንደሚገባ እንረዳለን። እነርሱ አዘግይተው ነው የሚያፈጥሩትና።
• ኢብኑ ሐጀር እንዲህ ብለዋል: «ሐዲሡ ምክንያቱንም አብሮ ገልጿል። ሙሀልለብ እንዲህ ብለዋል: "የዚህም ጥበብ ከምሽቱ ክፍል ቀኑ ላይ እንዳይጨመር ነው። እንዲሁም ለጾመኛው የገራና በአምልኮ ላይም የሚያጠነክረው ስለሆነ ነው። የማፍጠሪያ ወቅትም ፀሐይ መግባቷን በማየት ወይም ሁለት ታማኝ ሰዎች በመናገራቸው የሚረጋገጥ እንደሆነ ዑለማዎች ተስማምተዋል። ልክ እንደዚሁ ሚዛን በሚደፋው የዑለማዎች አቋም መሰረት በአንድ ታማኝ ሰው ንግግር ከተረጋገጠም ማፍጠር ይቻላል።»
• ኢብኑ ሐጀር እንዲህ ብለዋል: "ማሳሰቢያ: ረመዷን ውስጥ ሁለተኛውን የፈጅር አዛን ፈጅር ከመውጣቱ (ጎህ ከመቅቀድ) አንድ ሶስተኛ ሰዓት በፊት በማድረግና መጾም ለፈለገ ሰው የመብላትና የመጠጣት ጊዜው እንዳለቀ ለማሳወቅ በሚል ሙግት የተዘጋጀውን የመብራት ምልክት ማጥፋት በዚህ ዘመን ከሚስተዋሉ ውግዝ ከሆኑ ቢድዓዎች መካከል ነው። ይህንንም የፈለሰፉ ሙብተዲዖች አምልኮ ላይ ጥንቃቄ ለማድረግ ነው ብለው ይሞግታሉ። ይህንንም ምልክት የነሱ ሰዎች ካልሆኑ በቀር አይረዱትም። ቀስ በቀስም ይህ ቢድዓቸው ወቅቱ ላይ እርግጠኛ እንድንሆን ነው በሚል ሙግታቸው ሰበብ ፀሐይ ከገባ በኋላ ካልሆነ በቀር አዛን ላለማድረግ እና የማፍጠሪያ ወቅትንም ለማዘግየት የሰሑርንም ወቅት ለማቻኮል ዳረጋቸው። ስለዚህም በነርሱ ውስጥ መልካሙ መነመነ ክፋቱ በረከተ። አላህን እገዛውን እንማፀናለን።"

1. ዋና ገፅ
2. ፊቅህና የፊቂህ መርሆዎች
3. የአምልኮ ፊቂህ
4. ፆም
5. የፆም ሱናዎች
6. ሓዲሥ

• ሰሑር ተመገቡ! በሰሑር ውስጥ በረከት አለ።
• ከነቢዩ (የአላህ ሰላትና ሰላም በእርሳቸው ላይ ይስፈን) ጋር ሰሑር በላን። ከዚያም ወደ ሶላት ቆሙ። እኔም (አነስም ለዘይድ) "በአዛንና በሰሑር መካከል ምን ያክል ወቅት ነበር?" አልኩኝ። እርሱም (ዘይድም)፦ "ሃምሳ አንቀፅ የሚቀራበት ያህል" አለኝ።...