ነቢዩ (ሶለላሁ ዐለይሂ ወሰለም) የአላህ ሶላትና ሰላም በእርሳቸው ላይ ይስፈንና የረመዿን ወር መግቢያና መውጫን ምልክት ገለፁ። እንዲህ አሉ: የረመዿንን ጨረቃ ያያችሁ ጊዜ ፁሙ። በናንተና በጨረቃው መካከል ደመና ከገባና ከጋረዳችሁ ደሞ የሸዕባንን ወር ሰላሳ አድርጋችሁ ቁጠሩ። የሸዋልን ጨረቃ ያያችሁ ጊዜ ፆም ፍቱ። በናንተና በጨረቃው መካከል ደመና ከገባና ከጋረዳችሁ የረመዿንን ወር ሰላሳ አድርጋችሁ ቁጠሩ።

• የወር መግባት ለማረጋገጥ የምንደገፈው በሂሳብ ሳይሆን ጨረቃን በማየት ነው።
• የረመዿን ወር መግባቱን ጨረቃን ሳያዩ በሂሳብ ላይ ብቻ በመመርኮዝ መጾም ግዴታ እንዳልሆነ ኢብኑል ሙንዚር የዑለሞችን ሙሉ ስምምነት ጠቅሰዋል።
• የረመዿንን ጨረቃ ከማየት ደመና ወይም መሰል ነገር ከጋረደ ሸዕባንን ሰላሳ ቀን መሙላት ግዴታ ነው።
• የጨረቃ ወር ሀያ ዘጠኝ ቀን ወይም ሰላሳ ቀን ብቻ ነው የሚሆነው።
• ደመና ወይም መሰል ነገር የሸዋልን ጨረቃ እንዳናይ ከጋረደ ረመዿንን ሰላሳ ቀን መሙላት ግዴታ ነው።
• በፆም ጉዳይ የሙስሊሞችን ሁኔታ የሚከታተል በሌለበት ስፍራ የሚኖር ወይም ይህንን ችላ በሚሉ ሰዎች ባሉበት ስፍራ የሚኖር ከሆነ ይህንን በራሱ ወይም በሚያምነው ሰው በማየት የሚያረጋግጥበትን ነገር መከታተልና መጠባበቅ ይገባል። በዛም ላይ በመመርኮዝ ይጾማልም ይፈታልም።

1. ዋና ገፅ
2. ፊቅህና የፊቂህ መርሆዎች
3. የአምልኮ ፊቂህ
4. ፆም
5. ጨረቃ ማየት
6. ሓዲሥ