တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) သည် ရမဿွာန်လ စတင်ဝင်ရောက်ခြင်းနှင့် ကုန်ဆုံးခြင်း၏ အမှတ်အသားလက္ခဏာ ကို ရှင်းလင်းမိန့်ကြားတော်မူခဲ့သည်မှာ- အသင်တို့သည် ရမဿွာန်လရဲ့ ဆန်းဦးစလကို မြင်တွေ့ကြလျှင် စွိယာမ်ဥပုသ်စောင့်ထိန်းကြ လေကုန်။ အကယ်၍ အသင်တို့အ‌ပေါ်၌ တိမ်ဖုံးကွယ်နေပါက (ဆန်းဦးစလကို မမြင်တွေ့ရလျှင် ) ရှအ်ဗာန်လကို ရက်ပေါင်း သုံးဆယ် ပြည့်အောင်ရေတွက်ကြလေကုန်။ ထို့နောက် အသင်တို့သည် ရှောင်ဝါလ်လရဲ့ ဆန်းဦးစလကို မြင်တွေ့ကြလျှင် ဝါလွတ်ကြလေကုန်။ အကယ်၍ အသင်တို့အ‌ပေါ်၌ တိမ်ဖုံးကွယ်နေပါက (ဆန်းဦးစလကို မမြင်တွေ့ရလျှင် ) ရမဿွာန်လကို ရက်ပေါင်း သုံးဆယ် ပြည့်အောင်ရေတွက်ကြလေကုန်။

• လအစကို အတည်ပြုသတ်မှတ်ရန် တွက်ချက်မှုအပေါ် မဟုတ်ဘဲ မျက်စိဖြင့်မြင်တွေ့ရခြင်းအပေါ် အခြေပြုအားထားရမည်။
• ပညာရှင် အိဗ်နုမွန်ဇိရ်က ရမဿွန်လအစကို မျက်စိဖြင့် မြင်တွေ့ခြင်းကို အခြေမခံဘဲ တွက်ချက်မှုပေါ်တွင်သာ အခြေခံ၍ စွိယာမ်ဥပုသ်စောင့်ထိန်းရန် ဝါဂျိဗ်တာဝန်မဟုတ်ကြောင်း ပညာရှင်တို့၏ အိဂ်ျမာအ် ( တညီတညွတ်တည်းဆုံးဖြတ်ချက်) ကို ဆင့်ပြန်တင်ပြခဲ့၏။
• ရမဿွာန်လရဲ့ ဆန်းဦးစလကို တိမ်တိုက်စသည်တို့က ဖုံးကွယ်ထားပါက ရှအ်ဗာန်လကို ရက်ပေါင်းသုံးဆယ် ပြည့်အောင်ရေတွက်ရန် အရေးကြီးသည်။
• ‘လ’ကို အခြေခံ၍တွက်ချက်သော လသည် ရက်ပေါင်း ၂၉ ရက် သို့မဟုတ် ၃၀ ရက်သာ ရှိသည်။
• ရှောင်ဝါလ် လရဲ့ ဆန်းဦးစလကို တိမ်တိုက်စသည်တို့က ဖုံးကွယ်ထားပါက ရမဿွာန်လကို ရရက်ပေါင်း သုံးဆယ် ပြည့်အောင် ရေတွက်ရန် အရေးကြီးသည်။
• မွတ်စ်လင်မ်များ၏ စွိယာမ်ဥပုသ်စောင့်ထိန်းမှုဆိုင်ရာ အရေးကိစ္စကို စောင့်ကြည့်ဂရုစိုက်မည့်သူ သို့မဟုတ် ထိုကိစ္စကို အလေးမထား လျစ်လျူရှုတတ်သူများသာ ရှိသောနေရာတွင် ရှိနေသူသည် (ကိုယ်တိုင်ပင်) ဆန်းဦးစလကို ဂရုတစိုက် စောင့်ကြည့်ရမည် ဖြစ်ပြီး၊ မိမိကိုယ်တိုင် တွေ့မြင်ရခြင်း သို့မဟုတ် ယုံကြည်စိတ်ချရသူတစ်ဦး၏ တွေ့မြင်ခြင်းကို အခြေခံ၍ စွိယာမ်ဥပုသ်စောင့်ထိန်းခြင်းနှင့် ဝါထွက်ခြင်းကို ပြုလုပ်ရမည်။