Nagbigay-babala ang Propeta (basbasan siya ni Allāh at pangalagaan) laban sa paglalaylay ng kasuutan o tapis sa ibaba ng bukungbukong dala ng kapalaluan at dala ng pagmamalaki at na ang sinumang gumawa niyon ay naging karapat-dapat sa matinding banta na hindi titingin si Allāh sa kanya sa Araw ng Pagbangon nang isang pagtingin ng pagkaawa.

• Ang kasuutan ay sumasaklaw sa lahat ng ipinantatakip sa ibaba ng katawan gaya ng pantalon, thawb, tapis, at iba pa sa mga ito.
• Ang pagsaway laban sa isbāl ay natatangi sa mga lalaki. Nagsabi si Imām An-Nawawīy: Nagkaisa sa hatol ang mga maalam sa pagpayag sa isbāl para sa mga babae. Natumpak ayon sa Propeta (basbasan siya ni Allāh at pangalagaan) ang pahintulot sa mga babae sa paglalaylay ng mga laylayan nila sa habang isang siko.
• Nagsabi si Shaykh Ibnu Bāz: Ang isbāl ay pinipigilan at ipinagbabawal batay sa pagkapangkalahatan ng mga ḥadīth. Hinggil naman sa kaparusahan, ito ay nagkakaibahan at hindi naoobliga na maging magkapantay sapagkat tunay na ang sinumang nagpakay ng kapalaluan ay hindi gaya ng sinumang hindi nagpakay nito.
• Nagsabi pa si Shaykh Ibnu Bāz: Ang babae ay `awrah kaya walang tagapigil sa paglalaylay niya sa habang isang dangkal; ngunit kung hindi sumapat ito sa kanya, makapaglalaylay siya sa habang isang siko simula sa bukungbukong.
• Nagsabi si Al-Qāḍī: Nagsabi ang mga maalam: Sa kabuuan, kinasusuklaman ang anumang lumabis sa pangangailangan at ang nakahiratian sa mga tao na haba at luwang. Si Allāh ay higit na maalam.
• Nagsabi si Imām An-Nawawīy: Ang sukat na isinakaibig-ibig sa bumaba sa dulo ng kasuutan at tapis ay kalahati ng binti. Walang maisisisi sa kanya sa anumang nasa pagitan nito at ng mga bukungbukong. Ang anumang higit na mababa pa roon, ito ay sa Impiyerno. Kaya ang isinakaibig-ibig ay kalahati ng binti. Ang pinapayagan nang walang pagkasuklam ay ang nasa ilalim nito hanggang sa mga bukungbukong; ngunit ang anumang bumababa lampas sa bukungbukong, ito ay bawal.
• Nagsabi si Shaykh `Uthaymīn sa sabi niya: Ang "Hindi titingin si Allāh sa kanya" ay nangangahulugan ng pagtingin ng pagkaawa at pagkahabag. Ang tinutukoy rito ay hindi ang pangkalahatang pagtingin dahil si Allāh (kaluwalhatian sa Kanya at napakataas Siya) ay hindi nakukublihan ng anuman at walang nalilingid sa paningin Niya na anuman, subalit ang tinutukoy ay ang pagtingin ng pagkaawa at pagkahabag.

1. Ang Pangunahin
2. Ang mga Kainaman at ang mga Kaasalan
3. Ang mga Kaasalang Ayon sa Sharī`ah
4. Ang mga Kaasalan sa Kasuutan
5. Ang ḥadīth

• Kapag kayo ay nagsuot ng damit,at kapag kayo ay nagsagawa ng wudhu,magsimula kayo sa inyong kanan
• Ang sinumang nagsuot ng sutla sa Mundo ay hindi magsusuot nito sa Kabilang-buhay."}
• Kapag nagsuot ng tsinelas [o sapatos] ang isa sa inyo,simulan niya ito sa kanan,at kapag tinanggal niya ito,simulan niya ito sa kaliwa;at sikapin na ang kanan ang siyang maging una sa pagsuot at ang iba nito ay sa pagtanggal.
• Ipinagbawal ng Sugo ni Allah-pagpalain siya ni Allah at pangalagaan-ang pagsuot ng sutla maliban sa dalawang lalagyan sa daliri o tatlo o apat