হাদীছটোত অহংকাৰ কৰি বা আগ্ৰহী হৈ ভৰিৰ সৰুগাঁঠিৰ তলত কাপোৰ ওলমাই পিন্ধাৰ পৰা নবী চাল্লাল্লাহু আলাইহি অছাল্লামে সতৰ্ক কৰিছে। যিয়ে এইদৰে কাপোৰ পৰিধান কৰে, তাৰ বিষয়ে কঠিন সতৰ্কবাণী প্ৰদান কৰা হৈছে। কাৰণ কিয়ামতৰ দিনা তাৰ প্ৰতি আল্লাহে ৰহমতৰ দৃষ্টিৰে নাচাব।

• শৰীৰৰ নিম্নাংশ ঢাকিবলৈ পৰিধান কৰা প্ৰতিটো কাপোৰ ইয়াৰ অন্তৰ্ভুক্ত, সেয়া পেণ্ট হওক বা লুংগী অথবা আন কিবা।
• সৰুগাঁঠিৰ তলত কাপোৰ পিন্ধাৰ নিষেধাজ্ঞাটো কেৱল পুৰুষসকলৰ বাবে নিৰ্দিষ্ট। ইমাম নাৱাৱীয়ে কৈছেঃ উলামাসকল এই কথাত একমত যে, নাৰীসকলে ভৰিৰ সৰুগাঁঠিৰ তলত কাপোৰ পিন্ধিব লাগে। নবী চাল্লাল্লাহু আলাইহি অছাল্লামৰ পৰা সঠিক সূত্ৰত প্ৰমাণিত যে, নাৰীসকলক এক হাত পৰ্যন্ত কাপোৰ দীঘল ৰাখি চোঁচৰাই নিবলৈ অনুমতি প্ৰদান কৰা হৈছে।
• ইবনু বাঝ ৰাহিমাহুল্লাহে কৈছেঃ হাদীছটোৰ ব্যাপক অৰ্থই প্ৰমাণ কৰে যে, কাপোৰ চোঁচৰাই পিন্ধা হাৰাম তথা নিষিদ্ধ। কিন্তু ইয়াৰ শাস্তি সকলোৰে ক্ষেত্ৰত একে নহয়। কাৰণ যিয়ে অহংকাৰ কৰি কাপোৰ চোঁচৰাই পিন্ধে আৰু যিয়ে অহংকাৰ কৰি নকৰে, উভয়ৰ মাজত পাৰ্থক্য আছে।
• ইবনু বাঝ ৰাহিমাহুল্লাহে কৈছেঃ নাৰী সম্পূৰ্ণৰূপে পৰ্দাৰ বস্তু। গতিকে নাৰীসকলে এবেগেত পৰিমাণ কাপোৰ চোঁচৰাই পিন্ধিলেও কোনো অসুবিধা নাই। যদি এইটোও যথেষ্ট নহয় তেন্তে এক হাত পৰিমাণ ৰাখিব পাৰে।
• ক্বাজী ৰাহিমাহুল্লাহে কৈছেঃ উলামাসকলে কৈছেঃ সামগ্ৰিকভাৱে প্ৰত্যেক সেই বস্তু অপছন্দনীয় যিটো প্ৰয়োজনতকৈ অতিৰিক্ত কৰা হয়, এইদৰে পোছাক পৰিচ্ছদৰ দৈৰ্ঘ্য আৰু প্ৰশস্তৰ ক্ষেত্ৰতো শালীনতাৰ অতিৰিক্ত কৰাটো অপছন্দনীয়। আল্লাহেই সৰ্বজ্ঞ।
• ইমাম নাৱাৱীয়ে কৈছেঃ পছন্দনীয় পৰিমাণ হৈছে, কলাফুলৰ অৰ্দ্ধেকলৈকে পৰিধানকৃত কাপোৰৰ সীমা হ'ব লাগে। সৰুগাঁঠিৰ ওপৰলৈকে পৰিধান কৰাত কোনো অসুবিধা নাই। কিন্তু ইয়াৰ তলত পৰিধান কৰিলে জাহান্নামৰ সতৰ্কবাণী দিয়া হৈছে। এতেকে কলাফুলৰ অৰ্দ্ধেকলৈকে পৰিধান কৰাটো মুস্তাহাব। কিন্তু ইয়াৰ তলত সৰুগাঁঠি পৰ্যন্ত পৰিধান কৰাটো জায়েজ। সৰুগাঁঠিৰ তলত পিন্ধাটোহে নিষিদ্ধ।
• ইবনে উছাইমীন ৰাহিমাহুল্লাহে হাদীছটোৰ এই বাক্য (لا ينظر الله إليه) সম্পৰ্কে কৈছেঃ অৰ্থাৎ আল্লাহে ৰহমতৰ দৃষ্টিৰে তথা দয়াৰ দৃষ্টিৰে নাচাব। ইয়াৰ দ্বাৰা সাধাৰণ দৃষ্টিপাত কৰাক বুজোৱা হোৱা নাই। কাৰণ আল্লাহৰ পৰা একোৱে গোপন নহয়, তেওঁৰ দৃষ্টিৰ পৰা কোনো বস্তু অদৃশ্য নহয়। কিন্তু ইয়াত ৰহমতৰ দৃষ্টিক বুজোৱা হৈছে।

1. মুখ্য পৃষ্ঠা
2. ফজিলত আৰু শিষ্টাচাৰসমূহ
3. চৰীয়তৰ শিষ্টাচাৰসমূহ
4. পোছাক পৰিধান কৰাৰ শিষ্টাচাৰ
5. হাদীছ

• তোমালোকে মিহি অথবা মোটা ৰেচমী কাপোৰ পৰিধান নকৰিবা। এইদৰে সোণেৰে নিৰ্মিত বা ৰূপেৰে নিৰ্মিত পাত্ৰত পানী নাখাবা, আৰু এইবোৰেৰে নিৰ্মিত থালত আহাৰো নকৰিবা। কাৰণ পৃথিৱীত এইবোৰ হৈছে সিহঁতৰ বাবে, আৰু আখিৰাতত হৈছে আমাৰ বাবে"।...
• তোমালোকে বগা কাপোৰ পৰিধান কৰা, কাৰণ তোমালোকৰ কাপোৰৰ ভিতৰত বগা কাপোৰ হৈছে সৰ্বোত্তম। লগতে বগা কাপোৰেৰেই তোমালোকে মৃত ব্যক্তিক কাফন দিয়া।...
• মুছলিমৰ লুংগী বা পৰিধানকৃত কাপোৰ ভৰিৰ কলাফুললৈকে থাকিব লাগে। এইদৰে সৰুগাঁঠিলৈকে পৰিধান কৰিলেও কোনো অসুবিধা নাই বা কোনো গুনাহ নহয়। কিন্তু সৰুগাঁঠিৰ তলত পিন্ধিলে সেইটো জাহান্নামত যাব। যিয়ে অহংকাৰ কৰি নিজৰ পৰিধানকৃত কাপোৰ চোঁচৰাই পিন্ধে, তাৰ প...
• কোনো পুৰুষে আন কোনো পুৰুষৰ লজ্জাস্থান দেখা উচিত নহয়। এইদৰে কোনো নাৰীয়েও আন কোনো নাৰীৰ লজ্জাস্থান দেখা উচিত নহয়।...