නබි (සල්ලල්ලාහු අලයිහි වසල්ලම්) තුමාණෝ තම සුජූද්හි මෙසේ ප්‍රාර්ථනා කරන්නෙකු වූහ. “අල්ලාහුම්මග්ෆිර්ලී දන්බී" (අහෝ දෙවියනි! මාගේ පාපයන් සියල්ලට මට සමාව දෙනු මැනව!) එය වසන් කර, මට ආරක්ෂාව දෙනු මැනව! ඒවා පිළිපැදීමෙන් මා ආරක්ෂා කරනු මැනව! සමාව දී, වැරදි කමා කර නිදහස් කරනු මැනව! "කුල්ලහූ" (සියල්ලට) එනම් "දික්කහූ" කුඩා හා සුළු, "වජිල්ලහු" විශාල හා මහා, "වඅව්වලහු" මුල් පාපය, "වආකිරහු" අවසන් පාපය, එනම් ඒ අතර ඇති දෑ "වඅලානියතහු වසිර්රහූ" සුවිශුද්ධ අල්ලාහ් හැර වෙනත් කිසිවකු නොදන්නා දැයින් ප්‍රසිද්ධ හා රහසිගත යනාදී පාපයන් සියල්ලට සමාව දෙනු මැනව!

• ඉබ්නු කය්යිම් තුමා මෙසේ පවසයි: "ඔහු සුළු හා මහා, සියුම් හා සංකීර්ණ, ආරම්භක හා අවසාන, රහසිගත හා ප්‍රසිද්ධ යනාදී පාපයන් සඳහා සමාව අයැද සිටීමය. මෙම විස්තීරණ හා පුළුල් කරුණු සමග ගැත්තා තමන් දැන සිටි හා තමන් නොදන්නා පාපකම් සඳහා සමාව ඇයැදි සිටී.
• සුළු පාපයන් මහා පාපයන්ට පෙර සඳහන් කෙරී ඇත්තේ ප්‍රශ්න කරන්නා ඔහුගේ ප්‍රශ්නය තුළ උත්සන්න වන බැවිනි. එනම් ඔහු කුඩා ප්‍රමාණයේ සිට එහි වර්ධනයක් ලබන බැවිනි. එමෙන්ම බොහෝ විට මහා පාපයන් මතු වන්නේ සුළු දෑ කෙරෙහි යොමු වන බැවින් සහ ඒවා ගැන අවධාරණය නො කරන බැවින් හා ඒවාට නොසැලකිලිමත් නිසාය. එය මහා පාපයන් වෙත යොමු කරන මාධ්‍යයක් මෙන් වනු ඇත.
• උත්තරීතර අල්ලාහ්ට තම යටහත්භාවය පෙන්වීම, සුළු සහ මහා යන සියලුම පාපයන් සඳහා ඔහුගෙන් සමාව අයදීම.
• නවවි තුමා මෙසේ පවසයි: මෙහි ඇතැම් වචන තවත් ඇතැම් වචනවලට ප්‍රයෝජනවත් නොවූව ද ප්‍රාර්ථනාව ගැන සහතික කිරීමක් ඒ සම්බන්ධ බොහෝ වචන මෙහි ඇතුළත් වේ.

1. මුල් පිටුව
2. මහිමයන් සහ ආචාරධර්ම
3. මෙනෙහි කිරීම් හා ප්රාර්ථනාවන්හි නීති විද්යාව
4. (දික්ර්) තෙපලීම සමබන්ධයෙන් නබි තුමාණන්ගේ මඟපෙන්වීම
5. නබි වදන

• “මිනිසා තම නිවසට පිවිසෙන විට, ඔහු පිවිසෙන අවස්ථාවේදී හා ඔහු ආහාර ගන්නා අවස්ථාවේදී අල්ලාහ්ව මෙනෙහි කළේ නම්, ෂෙයිතාන් (ඔහුගේ සගයින් දෙස බලා): ‘නුඹලාට නවාතැනත් නැත. නුඹලාට රාත්‍රී ආහාරයත් නැත...
• ලා ඉලාහ ඉල්ලල්ලාහු වහ්දහූ ලා ෂරීක ලහූ අල්ලාහු අක්බර් කබීරා, වල්හම්දු ලිල්ලාහි කසීරා වසුබ්හානල්ලාහි රබ්බිල් ආලමීන්, ලා හව්ල වලා කුව්වත ඉල්ලා බිල්ලාහිල් අසීසිල් හකීම්.’...
• යා දල් ජලාලි වල් ඉක්රාම් යන පද භාවිතය අධිකව පිළිපදින්න.
• අහෝ ජනයිනි! නුඹලා අල්ලාහ් වෙත පසුතැවිලි වී යොමු වන්න. එමෙන්ම ඔහුගෙන් සමාව අයැදින්න. සැබැවින්ම මම දිනකට සිය වාරයක් පාපක්ෂමාවෙහි නිරත වෙමි.”...