رسول الله صلی الله علیه وسلم فرمایي چې د هغه له وفات نه وروسته به داسې واکمنان راشي چې په خبرو کې به دروغ وايي، هغه څه به وايي چې نه یې کوي، او په خپل قضاوت کې به ظالم وي، نو څوک چې ورغی او د دوی په دروغو یې باور وکړ، یا یې په ظلم کې د دوی ملاتړ وکړ او یا په وینا لکه چې د هغوی په ګټه یې فتوا ورکړه تر څو ورته ځان نږدې کړي، د هغه څه په تمه چې له هغوی سره دي؛ نو زه ترې بې زاره یم او زما څخه نه دی او د قیامت په ورځ به زما حوض کوثر ته را نشي، او څوک چې هغوی ته ور نشي او په دروغو کې یې ریښتیني ونه ګڼي او په ظلم کې یې ملاتړ ونه کړي نو هغه زما څخه دی او زه له هغه څخه یم، او د قیامت په ورځ به زما حوض ته راشي.

• واکمنانو ته د دې لپاره ورتګ چې مشوره او لارښوونه ورته وشي او شر یې د خلکو له سر څخه کم شي، خو که څوک پدې موخه ورشي چې په ظلم کې د هغوی ملاتړ وکړي او په دروغو کې یې ریښتیني وګڼي نو دا ناوړه او د غندنې وړ کار دی.
• د هغو کسانو لپاره خبرداری چې په ظلم کې د واکمن ملاتړ کوي.
• په حدیث کې ګواښ د دې عمل په حراموالی دلالت کوي، او دا چې دا یوه له لویو ګناهونو څخه ده.
• په نیکۍ او تقوا کې همکارۍ ته هڅوونه او په ګناه او تېري کې د همکارۍ ممانعت.
• زموږ نبي محمد صلی الله علیه وسلم ته د حوض ثابتېدل او دا چې امت به یې پرې تېرېږي.

1. کور‌پاڼه
2. دعوت او حسبه ( امر په معروف او نهي له منکر څخه کله چې دا کار پريښودل شي)
3. شرعي سیاست
4. د امام حق په رعیت
5. حدیث

• (زه تاسې) د الله تعالی نه په وېرېدلو او د حاکم (واکمن) په اطاعت سره وصیت کوم که څه هم دا واکمن یو حبشي غلام وي، او ژر دی چې تاسو به زما نه وروسته سخت اختلاف ووینئ، نو تاسې زما او د هدایت موندونکو راشدینو خلفاوو په سنتو کلکې منګولې ولګوئ...
• واورئ او اطاعت وکړئ، پر هغوی د هغه مسوولیت دی چې ورتر غاړي دي او پر تاسو د هغه څه مسوولیت دی چې در ترغاړي دي
• دین نصیحت دی
• زه تاسو ته د الله له وېرې (تقوى) سپارښتنه کوم، او دا چې د خپل مشر خبره واورئ او اطاعت یې وکړئ، که څه هم یو غلام پر تاسو حاکم شي، ځکه څوک چې له ما وروسته ژوند وکړي، نو ډېر اختلافونه به وویني، نو پر تاسو لازمه ده چې زما سنت (طریقه) او د راشدو...