တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)သည် မွတ်စ်လင်မ်တစ်ဦးအား မိမိ၏အခြားမွတ်စ်လင်မ်ညီနောင်ကို မတရားသူဖြစ်စေ၊ မတရားခံရသူဖြစ်စေ ကူညီရန် အမိန့်ပေးတော်မူခဲ့သည်။ ထိုအခါ အမျိုးသားတစ်ဦးက- အို- အလ္လာဟ်၏ ရစူလ်တမန်တော်၊ သူသည် မတရားခံရသူဖြစ်ပါက သူ့ထံမှမတရားမှုကို ကာကွယ်ဖယ်ရှားဖြင့် ကူညီရမည်ကို (နားလည်ပါသည်။) သို့သော် သူသည် မတရားသူ ဖြစ်နေပါက ကျွန်တော်မျိုးသူ့အား မည်သို့ကူညီရမည်နည်း" ဟု လျှောက်ထားမေးမြန်းခဲ့သည်။ တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)က အဖြေပေးတော်မူခဲ့သည်မှာ- "သင်သည် သူ့အား တားမြစ်ခြင်း၊ သူ၏လက်နှစ်ဖက်ကို ချုပ်ကိုင်ခြင်း၊ သူ့အား ထိန်းသိမ်းခြင်းနှင့် မတရားမှုကို ကျူးလွန်ခြင်းမှ သူ့အားတားဆီးခြင်းတို့ဖြင့် ကူညီရမည်။ ဤသို့ပြုလုပ်ခြင်းသည် သူ့အား ရှိုင်တွာန်နှင့် မကောင်းမှုသို့ တွန်းအားပေးသော သူ၏ကိုယ်တွင်းစိတ်ဆန္ဒ (နဖ်စ်)အပေါ် အောင်နိုင်စေခြင်းပင် ဖြစ်၏။

• မွတ်စ်လင်မ်များအကြား အီမာန်ယုံကြည်ခြင်းအရ ညီ‌နောင်တော်စပ်ရခြင်း၏ အခွင့်အရေးများအနက် အခွင့်အရေးတစ်ရပ်အပေါ် သတိပေးထားခြင်း။
• မတရားသူ၏လက်ကို ချုပ်ကိုင်ခြင်း၊ သူ့အား မတရားမှုမှ တားဆီးခြင်း။
• အစ္စလာမ်သည် ဂျာဟိလိယသ်အမှောင်ခေတ်၏ အယူအဆများကို ဆန့်ကျင်ခြင်း။ အကြောင်းမှာ ထိုခေတ်က လူများသည် မိမိတို့အသိုင်းအဝိုင်း၏ မည်သူမဆို မတရားခံရသူဖြစ်စေ၊ အခြားသူများကို မတရားကျူးလွန်သူများဖြစ်စေ ကူညီခဲ့ကြသည်။

1. ပင်မစာမျက်နှာ
2. ဖိကဟ်နှင့် ၎င်း၏စည်းမျဥ်းများ။
3. မိသားစုဆိုင်ရာ ဖိကဟ်။
4. မွတ်စ်လင်မ် လူ့အဖွဲ့အစည်း။
5. ဟဒီးဆ်

• ဧကန်စင်စစ်၊ အလ္လာဟ်အရှင်မြတ်သည် သင်တို့အတွက် သုံးမျိုးသောအရာကို နှစ်သက်တော်မူပြီး၊ သုံးမျိုးသောအရာကို နှစ်သက်တော်မမူပေ...
• ဆွေမျိုးအချင်းချင်း အပြန်အလှန် တုံ့ပြန်ဆက်ဆံသူသည် စစ်မှန်ပြည့်ဝသော ဆွေမျိုးဆက်သူမဟုတ်ပေ။ စစ်မှန်ပြည့်ဝသော ဆွေမျိုးဆက်သူဟူသည် ဆွေမျိုးများက အဆက်အသွယ် ဖြတ်လိုက်သည့်အခါ ပြန်ဆက်သွယ်သူဖြစ်သည်။...