တမန်‌တော်မြတ် (ဆွလ္လလ္လာဟုအလိုင်ဟိဝစလ္လမ်) အား တိရစ္ဆာန်များနှင့် သားရဲတိရစ္ဆာန်များ လာရောက်သောက်သုံးလေ့ရှိသော ရေ၏ သန့်ရှင်းစင်ကြယ်မှုနှင့် ပတ်သတ်၍ မည်သို့ အမိန့်ရှိသည်ကိုလျှောက်ထားမေးမြန်းရာ၊ တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) က မိန့်ကြားတော်မူသည်မှာ- အကယ်၍ ရေပမာဏသည် 'ကုလ်လသိုင်းန်' (ခွက်ကြီးနှစ်လုံး) စာ၊ (ခန့်မှန်းခြေအားဖြင့် ) လီတာ ၂၁၀ ခန့်ရှိပါက၊ ထိုရေသည် ပမာဏများပြားသော ရေဖြစ်သဖြင့် အညစ်အကြေး တစ်စုံတစ်ရာကြောင့် ၎င်း၏ သွင်ပြင် လက္ခဏာသုံးရပ် (အရောင်၊ အရသာ နှင့် အနံ့) တွင် တစ်ခုခု ပြောင်းလဲမှုမရှိသမျှ ကာလပတ်လုံး မသန့်မဖြစ်ပေ။

• ရေသည် အညစ် အကြေး တစ်စုံ တစ်ရာကြောင့် ၎င်း၏ သွင်ပြင် လက္ခဏာသုံးရပ် (အရောင်၊ အရသာ၊ အနံ့) အနက် တစ်ခုခု ပြောင်းလဲသွားပါက မသန့်ဖြစ်သွားသည်။ ဤဟဒီးဆ်တွင် ပါရှိသော အချက်သည် ယေဘုယျသဘောဖြစ်ပြီး ကန့်သတ်ချက်မဟုတ်ပါ။
• ပညာရှင်များက အညစ်အကြေးတစ်စုံတစ်ရာသည်ရေအား ပြောင်းလဲမှုဖြစ်စေပါက ထိုရေသည် ညစ်ညမ်းသွားမည်ဖြစ်ကြောင်း အားလုံး သဘောတူညီခဲ့ကြသည်။ ထိုရေသည် နည်းသည်ဖြစ်စေ၊ များသည်ဖြစ်စေ (ညစ်ညမ်းသွားမည်ဖြစ်သည်)။