တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)သည် အမျိုးသမီးများနှင့် သီးသန့်သက်ဆိုင်သော ၀တ်စားဆင်ယင်မှုများ ဥပမာ - ဟန်ပန်၊ အရောင်၊ ပုံစံ၊ ၀တ်စားဆင်ယင်မှုနည်းလမ်း၊ အလှဆင်မှုတို့ကို လိုက်လံတုပဝတ်ဆင်သည့် အမျိုးသားတိုင်း၊ သို့မဟုတ် အမျိုးသားများနှင့် သီးသန့်သက်ဆိုင်သော ၀တ်စားဆင်ယင်မှုကို လိုက်လံတုပဝတ်ဆင်သည့် အမျိုးသမီးတိုင်း အလ္လာဟ်အရှင်မြတ်၏ ရဟ်မသ်ကရုဏာတော်မှ နှင်ထုတ်ခံရစေရန်နှင့် ဝေးကွာစေရန်အတွက် ဒုအာပြုတော်မူခဲ့သည်။ ထိုသို့ပြုလုပ်ခြင်းသည် ကြီးလေး သောအပြစ်အကုသိုလ်များအနက် တစ်ခုဖြစ်သည်။

• အလ္လာမဟ်ရှောင်ကာနီက ဤသို့ဆိုသည်- အမျိုးသားများက အမျိုးသမီးများနှင့် အမျိုးသမီးများက အမျိုးသားများနှင့် လိုက်လံတုပခြင်းသည် ဟရာမ်တားမြစ်ထားသည်။ အကြောင်းမှာ တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)၏ လအ်နသ်ကျိန်ဆဲခြင်းသည် ဟရာမ်ဖြစ်သောအရာအတွက်သာ ဖြစ်သောကြောင့်တည်း။
• ရှိက်ခ် အိဗ်နုအုဆိုင်မီးန်က ဤသို့ဆိုသည်- အမျိုးသားနှင့်အမျိုးသမီး နှစ်ဦးစလုံး ဝတ်ဆင်လေ့ရှိသော ဘုံအသုံးအဆောင်ပစ္စည်းများ (ဥပမာ-အချို့သော ဖင်နလ်အင်္ကျီအမျိုးအစားများ) ကိုမူ နှစ်ဦးစလုံး ဝတ်ဆင်ခြင်းသည် ပြဿနာမရှိပေ။ အကြောင်းမှာ ၎င်းသည် အမျိုးသားနှင့်အမျိုးသမီး နှစ်ဦးစလုံး ဝတ်ဆင်ခွင့်ရှိသော အမျိုးအစား ဖြစ်သောကြောင့် ဖြစ်သည်။

1. ပင်မစာမျက်နှာ
2. အကီဒဟ် ယုံကြည်ချက်။
3. ချစ်ခင်မြတ်နိုးခြင်းနှင့် မုန်းတီးမှုထားခြင်း။
4. တူဆင်အောင်ပြုလုပ်ခြင်းအား တားမြစ်ခြင်း။
5. ဟဒီးဆ်

• အကြင်သူသည် လူအုပ်စုတစ်စုဖြင့် တူဆင်အောင်ပြုလုပ်ခဲ့လျှင် ၎င်းသည် ထိုအုပ်စုအနက်မှပင်ဖြစ်သည်။...
• အသင်တို့သည် မုချဧကန် မိမိတို့မတိုင်မီ ရှိခဲ့ကြသောသူတို့၏ လမ်းစဉ်ကို လိုက်ကြလိမ့်မည်။ တစ်ထွာချင်း တစ်ထွာချင်း၊ တစ်တောင်ချင်း တစ်တောင်ချင်း...