پێغەمبەر -صلى الله عليه وسلم- باسی ئەوەی کردووە کە هەموو پێغەمبەران خوای گەورە پشتیوانی لێکردوون، و نیشانە و موعجیزەی سەرسوڕهێنەری پێبەخشیوون کە بەڵگەن لەسەر پێغەمبەرایەتییان، و ئەوانەی ئەم موعیجزانە دەبینن وا دەخوازێت دەستبەجێ باوەڕ بە ڕاستگۆییان بهێنن، و مرۆڤی بێباوەڕ لە ئاست ئەم ڕكابەریەدا شکستی هێناوە بە شێوەیەک کە ناتوانێت لە خۆی دووری بخاتەوە، بەڵام ڕەنگە نکۆڵی لێبكات و سەرکێش بێت. و پێغەمبەر -صلى الله عليه وسلم- نیشانە و موعجیزەکەی قورئانە کە خوای گەورە بە وەحی ناردوویەتی بۆی، بەهۆی ئەوەی موعجیزەی ئاشکرا و بەردەوامی تێدایە، و بەهۆی زۆری و گشتگیری سوودەكانی، و بانگەواز و بەڵگە و هەواڵدانی تێدایە سەبارەت بە ڕووداوەكانی داهاتوو؛ بۆیە سوودەکەی گشتگیرە بۆ ئامادەبوو و بۆ ئامادەنەبوو و بۆ ئەوانەی لە داهاتوو دێن، پاشان فەرمووی: هیوادارم کە زۆرترین شوێنکەوتووم هەبێت لە ڕۆژی قیامەتدا.

• سەلماندنی موعجیزە ونیشانەكانی پێغەمبەران، و ئەمە لە ڕەحمەت و فەزڵی خوای گەورەوەیە -سبحانه وتعالی- بەسەر ئوممەتەکاندا.
• ڕوونكردنەوەی گەورەیی موعجیزەی پێغەمبەر -صلى اللە علیە وسلم-.
• ڕوونکردنەوەی گەورەیی پلە و پایەی پێغەمبەر -صلی الله علیه وسلم-، و ئاماژەیە بۆ فەزڵ و ڕێزداری ئەو بەسەر هەموو پێغەمبەرانی تردا.
• ئیبن حەجەر دەڵێت: كاتێك فەرمووی: (بەڵام ئەوەى بە من بەخشراوە وەحیە لە لایەن خوداوە كە بۆی دابەزاندووم -مەبەست قورئانی پیرۆزە-)؛ مەبەست لێی سنووردار كردنی هەموو موعجیزەکانی نییە تەنها لە قورئاندا، و مانای ئەوەیش نییە کە ئەو موعجیزانەی پێنەدراوە کە بە پێغەمبەرانی پێش خۆی دراوە، بەڵکو مەبەست ئەوەیە قورئان گەورەترین موعجیزەیە کە بە تایبەتی بە ئەو دراوە و بە کەسی تر لە پێش خۆی نەدراوە.
• نەوەوی دەڵێت: كاتێك فەرمووی (هیوادارم کە زۆرترین شوێنکەوتووم هەبێت لە نێو پێغەمبەراندا لە ڕۆژی قیامەتدا)؛ ئەمە نیشانەیەکە لە نیشانەکانی پێغەمبەرایەتی، چونکە پێغەمبەر -صلی الله علیه وسلم- ئەمەی فەرموو لە سەردەمی کەمی ژمارەی موسڵماناندا، پاشان خوای گەورە منەت و چاکەی بەسەر موسڵماناندا ڕژاند و فەتح و سەرکەوتنی پێ بەخشین، و بەرەکەتی خستە نێویانەوە، و کار گەیشتە ئەوەی کاروباری موسڵمانان فراوان بوو هەتا ئەم ئاستەی كە ئێستا ناسراوە، و سوپاس بۆ الله.

1. سه‌ره‌كی
2. عەقیدە (بیروباوەڕ)
3. باوەڕهێنان بە پێغەمبەران
4. پێغەمبەرمان موحەمەد ﷺ
5. فەرموودە

• پێنج ناوم هەیە: من موحەمەد، وئەحمەد، ومن (ئەلماحی:الماحِي)م کە بەهۆی منەوە خواى گەورە کوفر ناهێڵێت، ومن (ئەلحاشیر:الحاشر)م لە پێش خەڵکی زیندوو دەکرێمەوە، ومن(ئەلعاقیب:العاقِب)م...
• ووتمان: تۆ سەیدی (گەورەی) ئێمەیت، ئەویش فەرمووی: «سەید (گەورە) الله یە
• پێنج شتم پێدراوە، بە هیچ یەكێك لە پێش من نەدراوە
• پێغەمبەر -صلى اللە علیە وسلم- لە شەوی ئیسرائدا دوو پەرداخی بۆ هێنرا