নবী চাল্লাল্লাহু আলাইহি অছাল্লামে এবাৰ সপোনত দেখিলে যে, তেখেত জান্নাতত আছে। তেখেতে বিলালক মাতি ক'লেঃ হে বিলাল! তুমি ইছলাম গ্ৰহণৰ পিছত নফল ইবাদতৰ ভিতৰত আটাইতকৈ আশাব্যঞ্জক কোনটো আমল কৰিছা? কাৰণ মই জান্নাতত মোৰ সন্মুখত তোমাৰ জোতাৰ মৃদু শব্দ শুনিছোঁ। বিলাল ৰাদ্বিয়াল্লাহু আনহুৱে ক'লেঃ মই এনেকুৱা কোনো কাম কৰিছোঁ বুলি মোৰ ধাৰণা নহয়, কিন্তু দিনে ৰাতি মই যেতিয়াই মোৰ অজু ভংগ হৈছে, লগে লগে মই অজু কৰি মহান আল্লাহে প্ৰদান কৰা তাওফীক অনুযায়ী নফল নামাজ আদায় কৰিছোঁ।

• বিলাল ৰাদ্বিয়াল্লাহু আনহুৱে যিটো আমলৰ কথা উল্লেখ কৰিছে, হাদীছটোৰ দ্বাৰা সেই আমলৰ ফজীলত বৰ্ণিত হৈছে। সেয়া হৈছে তেওঁ যেতিয়াই অজু কৰিছে তেতিয়াই নফল নামাজ পঢ়িছে। এইটো হৈছে অত্যন্ত আশাব্যঞ্জক এটা আমল আৰু জান্নাতত প্ৰৱেশৰ এটা অন্যতম গুৰুত্বপূৰ্ণ মাধ্যম।
• প্ৰত্যেক অজুৰ পিছত নামাজ পঢ়া মুস্তাহাব।
• আদৰ্শৱান ব্যক্তি অথবা মুৰব্বী তথা অভিভাৱকে নিজৰ শিষ্যক আমল সম্পৰ্কে সুধিব লাগে। যদি তাৰ সেই আমলটো উত্তম হয় তেন্তে তাক সেইটোৰ প্ৰতি অধিক উৎসাহিত কৰিব লাগে। অন্যথা নিষেধ কৰিব লাগে।
• স্বয়ং নবী চাল্লাল্লাহু আলাইহি অছাল্লামে সাক্ষ্য প্ৰদান কৰিছে যে, বিলাল ৰাদ্বিয়াল্লাহু আনহু হৈছে জান্নাতৰ অধিবাসী।
• তেখেতে এই প্ৰশ্নটো ফজৰৰ সময়ত সুধিছিল, ইয়াৰ দ্বাৰা বুজা যায় যে, তেখেতে এইটো সপোনত দেখিছিল। জানি থোৱা উচিত যে, নবীসকলৰ সপোন হৈছে সত্য।

1. মুখ্য পৃষ্ঠা
2. আক্বীদাহ
3. আখিৰাতৰ প্ৰতি ঈমান
4. আখিৰাতৰ জীৱন
5. হাদীছ

1. মুখ্য পৃষ্ঠা
2. ফিক্হ আৰু উচুলে ফিক্হ
3. ইবাদাত সম্পৰ্কীয় ফিক্হ
4. নামাজ
5. নফল চালাত
6. হাদীছ

• কিয়ামতৰ দিনা সূৰ্য্যক সৃষ্টিৰ একেবাৰে নিকটৱৰ্তী কৰা হ'ব। ইমান নিকটৱৰ্তী কৰা হ'ব যে, কেৱল এক মাইল দূৰত্ব থাকিব।...
• এতেকে তোমালোকে যেতিয়া আল্লাহৰ ওচৰত জান্নাত প্ৰাৰ্থনা কৰিবা, তেতিয়া ফিৰদাউচ বিচাৰিবা।
• তুমি যি যি বিচাৰিছা সেই সকলো তুমি পাবা, লগতে ইয়াৰ অনুৰূপ অতিৰিক্ত প্ৰদান কৰা হ'ব।
• সোণ-ৰূপৰ অধিকাৰী ব্যক্তি, যিয়ে (নিচাব হোৱাৰ পিছতো) ইয়াৰ হক (জাকাত) আদায় নকৰে, ক্বিয়ামতৰ দিনা তাৰ এই সম্পদক জাহান্নামৰ জুইত উত্তপ্ত কৰি অগ্নিৰ পাত বনোৱা হ'ব।...