တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)က ကုရ်ဗာနီပြုလုပ်ရန် ရည်ရွယ်ထားသူအား ဇိလ်ဟဂျ်လဆန်းပြီးချိန်မှစ၍ ကုရ်ဗာနီမပြုလုပ်မီအထိ မိမိ၏ဆံပင်၊ ခေါင်းမွေး၊ ချိုင်းမွေး၊ နှုတ်ခမ်းမွေး စသည်နှင့် လက်သည်းခြေသည်းတို့ကို မညှပ်ရန် အမိန့်ပေးတော်မူခဲ့သည်။

• ဇိလ်ဟဂျ်လ၏ ပထမဆယ်ရက်ဝင်ပြီး‌နောက်တွင် ကုရ်ဗာနီပြုလုပ်ရန် ရည်ရွယ်ထားသူသည် ဖော်ပြထားသည့်အရာများ(အမွှေးအမျှင်ရိတ်ခြင်း၊ လက်သည်း‌ခြေသည်း ညှပ်ခြင်း) ကို (ကုရ်ဗာနီပြုလုပ်ရန်) ရည်ရွယ်လိုက်သည့်အချိန်မှစ၍ ကုရ်ဗာနီပြုလုပ်ပြီးသည်အထိ ရှောင်ကြဉ်ရမည်ဖြစ်သည်။
• အကယ်၍ လူတစ်ဦးသည် ပထမနေ့ (အီးဒ်နေ့)တွင် ကုရ်ဗာနီမပြုလုပ်နိုင်ပါက ကုရ်ဗာနီပြုလုပ်သည့်နေ့အထိ (သရှ်ရီးက်၏နေ့ရက်များအတွင်း မည်သည့်နေ့၌မဆို) ထိုအရာများကို ဆက်လက်ရှောင်ကြဉ်နေရမည်ဖြစ်သည်။