အွတ်စ်မားန် ဗင်န် အဘီလ်အားစ်ွ (ရဿွိယလ္လာဟုအန်ဟု) သည် သူ့အား ဖျက်စီးလုနီးနီး ဖြစ်စေသော (အလွန်ပြင်းထန်သော)ရောဂါဝေဒနာကို ခံစားခဲ့ရသည်။ ထိုအခါ တမန်တော်မြတ် (ဆွလ္လလ္လာဟုအလိုင်ဟိဝစ်လ္လမ်) သည် ၎င်းထံ လူမမာမေးမြန်းကြည့်ရှုရန် ကြွမြန်းလာတော်မူပြီး၊ ဒုအာတစ်ပုဒ်ကို သင်ပေးတော်မူခဲ့သည်။ ထိုဒုအာဖြင့် အလ္လာဟ်အရှင်မြတ်သည် သူခံစားနေရသော ရောဂါဝေဒနာကို ပျောက်ကင်းစေတော်မူနိုင်သည်။ ထိုဒုအာမှာ- နာကျင်သော နေရာပေါ်တွင် မိမိ၏လက်ကိုတင်ကာ "ဗိစ်မိလ္လာဟ်" (အလ္လာဟ်အရှင်မြတ်၏နာမတော်ဖြင့်) ဟု သုံးကြိမ် ရွတ်ဆိုရမည်။ ထို့နောက် ခုနစ်ကြိမ် ဤသို့ဒုအာရွတ်ဆိုရမည် ။ "အအူဇု ဗိလ္လာဟိ ဝကုဒ်ရသိဟီ မင်န်ရှရ်ရိ မာအဂျိဒု ဝအုဟာဇိရု" ဆိုလိုသည်မှာ - "ကျွန်တော်မျိုး လက်ရှိခံစားနေရသော နာကျင်မှု ဝေဒနာမှ အလ္လာဟ်အရှင်မြတ်နှင့် ထိုအရှင်မြတ်၏ ဘုန်းတန်ခိုးတော်အားဖြင့် ခိုလှုံပါ၏။ ထို့ပြင် အနာဂတ်တွင် ဖြစ်လာမည့် ပူပန်သောကနှင့် ကြောက်ရွံ့စိုးရိမ်ရသော အရာမှလည်းကောင်း သို့မဟုတ် ဤရောဂါသည် နာတာရှည်ဖြစ်လာပြီး ၎င်း၏ဝေဒနာသည် ခန္ဓာကိုယ်တစ်ခုလုံးသို့ ပျံ့နှံ့သွားခြင်းမှ လည်းကောင်း အလ္လာဟ်အရှင်မြတ်ထံ ခိုလှုံပါ၏" ဟူ၍ဖြစ်သည်။

• လူတစ်ဦးသည် ဟဒီးစ်တော်တွင်လာရှိသည့် အတိုင်းမိမိကိုယ်မိမိ မန်းမှုတ်ကုသမှု ပြုလုပ်ခြင်းသည် မွတ်စ်သဟဗ် ဖြစ်သည်။
• မကျေမနပ်ဖြစ်ခြင်း သို့မဟုတ် စောဓကတက်ခြင်းမရှိဘဲ ဝေဒနာနှင့်ပတ်သတ်၍ တိုင်ကြားခြင်း( ညည်းညူခြင်း ) သည် သဝက္ကုလ် (အလ္လာဟ်အရှင်မြတ်အပေါ် ယုံကြည်အထားခြင်း ) နှင့် ဆွဗရ် (သည်းခံမှု) တို့နှင့် ဆန့်ကျင်ခြင်းမရှိပါ။
• ဒုအာသည် ရည်မှန်းချက်များ အောင်မြင်ရန် တရား တော်လာ နည်းလမ်းများကို ကျင့်သုံးခြင်း (ကုသမှုနည်းလမ်းများ) ထဲမှ တစ်ခုဖြစ်သောကြောင့်၊ ၎င်း၏ စကားလုံးများနှင့် အကြိမ်အရေအတွက်များကို တိကျစွာ လိုက်နာရန် လိုအပ်သည်။
• ဤဒုအာသည် ကိုယ်အင်္ဂါအစိတ်အပိုင်း တစ်ခုခု၌ ဖြစ်ပေါ်သော မည်သည့်နာကျင်ကိုက်ခဲမှုအတွက်မဆို ကုသရန် ရွတ်ဆိုနိုင်သည်။
• ဤဒုအာဖြင့် မန်းမှုတ်ကုသသည့်အခါ လက်(ဖဝါး)ကို နာကျင်ကိုက်ခဲသော နေရာပေါ်တွင် တင်ထားရမည်။

1. ပင်မစာမျက်နှာ
2. ဖိကဟ်နှင့် ၎င်း၏စည်းမျဥ်းများ။
3. ဆေးဝါး၊ ဆေးကုသမှုနှင့် တရားတော်လာ မန်းမှုတ်ခြင်း။
4. ရှရိအဟ် တရားတော်လာ မန်းမှုတ်ခြင်း။
5. ဟဒီးဆ်

• ဧကန်အမှန်ပင် ဂါထာမန္တန်မန်းမှုတ်ခြင်း၊ အင်းအိုင်အဆောင်လက်ဖွဲ့ချိတ်ဆွဲခြင်း၊ တစ်ဦးကတစ်ဦးကို ချစ်ခင်လာစေရန်အတွက် ဂျာဒူဖြင့်ပြုလုပ်ခြင်း စသည့်ကိစ္စရပ် အားလုံးသည် ရှိရ်က်ဖြစ်သည်။...
• - "အလ္လာဟ်အရှင်မြတ်၏နာမတော်ဖြင့် ကျွန်ုပ်သည် အသင့်အား မန်းမှုတ်ကုသပေးပါ၏။ အသင့်အား အန္တရာယ်ပေးသော အရာတိုင်းမှ၊ သက်ရှိအားလုံး၏ ဘေးအန္တရာယ်မှ သို့မဟုတ် မနာလိုဝန်တိုသူ၏ မျက်စိ (နဇရ်ထိခြင်း) မှ (ကာကွယ်တော်မူရန်)။ အလ္လာဟ်အရှင်မြတ်သည် အသင့်အား သက...
• - «أَذْهِبِ الْبَاسَ، رَبَّ النَّاسِ، وَاشْفِ أَنْتَ الشَّافِي، لَا شِفَاءَ إِلَّا شِفَاؤُكَ، شِفَاءً لَا يُغَادِرُ سَقَمًا». အို လူသားတို့ကို ဖန်ဆင်းမွေးမြူတော်မူသောအရှင်၊ ဘေးဒုက္ခကို ဖယ်ရှားတော်မူပါ။ ပြင်းထန်တယ့် ဝေဒနာကို ကင်းဝေးစေတော်မူပ...
• အကြင်သူသည် ကွယ်လွန်သေဆုံးချိန် မဆိုက်ရောက်သေးသော လူနာတစ်ဦးကို ကြည့်ရှု့အားပေးရန် သွားရောက်ပြီး ၎င်း၏အနီးတွင် အောက်ပါဒုအာ - (أَسْأَلُ اللَّهَ الْعَظِيمَ رَبَّ الْعَرْشِ الْعَظِيمِ أَنْ يَشْفِيَكَ) (အလွန်ကြီးမားတော်မူသော အရ်ရှ်ပလ္လင်တော်၏ အ...