share_hadeeth
အလ္လာဟ်အရှင်မြတ်၏ ရစူလ်တမန်တော် (ဆွလ္လလ္လာဟုအလိုင်ဟိဝစလ္လမ်)ကကျွန်တော်တို့အားညွှန်ကြားခဲ့သည်မှာ- အကယ်၍ကိုယ်တော်သည် ကျွန်တော်တို့အားတစ်စုံတစ်ရာကို တားမြစ်ခဲ့လျှင် ၎င်းအားခြွင်းချက်မရှိ ရှောင်ကြဉ်ရန် ကျွန်တော်တို့အပေါ်တွင် တာဝန်ရှိသည်။ အကယ်၍ကိုယ်တော်သည်ကျွန်တော်တို့အား တစ်စုံတစ်ရာကို ဆောင်ရွက်ရန် အမိန့်ပေးခဲ့လျှင် ၎င်းအားတတ်စွမ်းနိုင်သမျှ လိုက်နာကျင့်သုံးရန် ကျွန်တော်တို့အပေါ် တွင်တာဝန်ရှိပေသည်။ထို့နောက်ကိုယ်တော်သည်ကျွန်တော်တို့အားလွန်လေပြီးသော အချို့အွမ္မသ်သားများကဲ့သို့မဖြစ်စေရန် သတိပေးတားမြစ်ခဲ့သည်။ ၎င်းတို့သည် မိမိတို့၏နဗီတမန်တော်များအားဆန့်ကျင်ပြီး မလိုအပ်ဘဲမေးခွန်းများ အလွန်မေးမြန်းခဲ့ကြသည့်အခါ အလ္လာဟ်အရှင်မြတ်သည် ၎င်းတို့အား သေကြေပျက်စီးမှု အမျိုးမျိုးဖြင့်ပြစ်ဒဏ်ခတ်တော်မူခဲ့သည်။ထို့ကြောင့် ၎င်းတို့သေကြေပျက်စီးခဲ့ကြသကဲ့သို့ ကျွန်တော်တို့လည်း အလားတူသေကြေပျက်စီးခြင်းမျိုး မဖြစ်ရလေအောင် ရှောင်ကြဉ်ရမည်ဖြစ်သည်။
