नबी (सल्लल्लाहु अलैहि वसल्लम) ले बताउनुभएको छ कि जब कोही मुस्लिम आफ्नो कुनै बिरामी मुस्लिम भाइको स्वास्थ्य सोधपुछ गर्न जान्छ—जसको मृत्युको समय नजिक आएको हुँदैन—र बिरामीको नजिक बसी सात पटक यो प्रार्थना गर्दछ: “असअलुल्लाहल्-अजीम, रब्बल्-अर्शिल्-अजीम, अन् यशफियक” (अर्थात्: म सर्वमहान् अल्लाह—जो आफ्ना पवित्र नाम, गुण र कार्यहरूमा महान् हुनुहुन्छ—विशाल अर्श (सिंहासन) का मालिकसँग प्रार्थना गर्दछु कि उहाँले तिमीलाई पूर्ण स्वास्थ्य प्रदान गरून्।) यदि कोही व्यक्तिले यो दुआ सात पटक दोहोर्‍याएर प्रार्थना गर्दछ भने, अल्लाहले निश्चय नै उसलाई त्यस रोगबाट मुक्ति र आरोग्यता प्रदान गर्नुहुनेछ।

• बिरामीलाई भेट्ने क्रममा यो दुआ सात पटक पढ्नु मुस्तहब हो।
• यदि यो प्रार्थना साँचो विश्वास र धार्मिक निष्ठाका साथ बिरामीको स्वास्थ्य लाभका लागि गरियो भने उसले अवश्य नै रोगबाट मुक्ति पाउनेछ।
• यो दुआ सानो वा ठूलो स्वरमा गर्न सकिन्छ। तथापि, यदि बिरामीले सुन्ने गरी पढियो भने, त्यो बढी उत्तम र प्राथमिक हुन्छ; किनकि यसले उसको हृदयलाई आनन्द, आशा र सान्त्वना प्रदान गर्दछ।

1. home
2. फिकह र उसूले फिकह
3. औषधि, उपचार र शरिया रुकिया
4. शरिया रोकिया
5. hadith

• निःसनदेह, रुक्या (अल्लाह बाहेक अरुको नाम लिएर गरिने झाडफूँक) गर्नु, तावीज बाँध्नु र टुनामुना गर्नु शिर्क हो ।...
• शरीरको जुन भागमा तिमीलाई दुख्छ त्यहाँ आफ्नो हात राख र तीन पटक भन: "बिस्मिल्लाह" र सात पटक "अऊज़ु बिल्लाहि व क़ुदरतिही मिन शर्रि मा अजिदु व उहाज़िरु" पढ। अर्थ: म अल्लाह र उहाँको सामर्थ्यद्वारा उहाँको शरण माग्छु त्यो कुराको खराबीबाट जो म महसु...