တမန်တော်မြတ်(ဆွလ္လလ္လာဟုအလိုင်းဟိဝစလ္လမ်) ရှင်းလင်းစွာမိန့်ကြားတော်မူသည်မှာ မည်သူ့ကိုမဆို သက်သေအ‌ထောက်အထားမရှိဘဲ တရားစွဲသည့်အတိုင်းပေးကမ်းရမည်ဆိုပါက အချို့သောသူများသည် သူတစ်ပါး၏ ပစ္စည်းဥစ္စာနှင့် အသက်‌သွေးများကိုပါ ရရှိနိုင်ရန်တရားစွဲလာကြလိမ့်မည်။ သို့သော် တရားလိုသည် မိမိတင်လိုက်သည့်စွဲချက်အားခိုင်လုံသည့် သက်သေအထောက်အထားပြရန်အရေးကြီးသည်။ အကယ်၍တရားလိုသည် အထောက်အထားမပြနိုင်ပါက စွပ်စွဲခံရသူအား စွပ်စွဲချက်နှင့်စပ်လျဉ်း၍မေးမြန်းရမည်။ ထိုသို့မေးမြန်းသောအခါ စွပ်စွဲခံရသူက ငြင်းပယ်လျှင်စွပ်စွဲခံရသူသည် ကျိန်ဆိုပြီးနောက် ပြစ်မှုမှလွတ်မြောက်မည်ဖြစ်သည်။

• အိဗ်ုဒကီးကုလ်အီးဒ် ကဆိုသည်မှာ ဤ‌ဟဒီးဆ်တော်သည် အမိန့်ပညတ်ချက်များ၏အခြေခံများအနက်မှ အခြေခံတစ်ရပ်ဖြစ်သည်။ အငြင်းပွါးခြင်း၊ အခြေအတင်ဖြစ်ခြင်းများဖြစ်ပေါ်လာသောအခါ ကိုးကားရမည့် အကြီးမားဆုံးသော ကိုးကားချက်ပင်ဖြစ်သည်။
• အစ္စလာမ့်တရားဥပဒေသည် လူသားများ၏ ဥစ္စာပစ္စည်း၊ အသက်နှင့်သွေးတို့ကို လိမ်လည်လှည့်ဖြားမှု မှ ကာကွယ်ရန် လာရှိခဲ့သည်။
• တရားသူကြီးသည် မိမိ၏အသိပညာဖြင့် စီရင်ခြင်းမပြုဘဲ သက်သေအထောက်အထားများကိုသာ ကိုးကားရမည်။
• အခွင့်အရေးများနှင့်စီးပွားရေးလုပ်ငန်းများ၌ဖြစ်စေ၊ အီမာန်ယုံကြည်မှုနှင့် သာသနာ့ပညာ၌ဖြစ်စေ မည်သည့်သက်သေအထောက်အထားမှမရှိ‌သောတရားစွဲဆိုသူတို့၏တရားစွဲမှုတိုင်းသည် ပယ်ချခြင်းခံရမည်။