اللہ کے نبی صلی اللہ علیہ و سلم نے بیان فرمایا کہ جو شخص جہاد کے دوران خالص اللہ کی رضا جوئی اور اجر وثواب کے حصول کی خاطر ایک دن کا روزہ رکھتا ہے، اللہ اپنے فضل و کرم سے اس کے اور جہنم کے درمیان ستر سال کی دوری پیدا فرما دیتا ہے۔اور یہ بھى کہا گیا ہے کہ (اللہ کى راہ میں روزہ رکھنے سے مراد) جہاد کے دوران اور دوسرے ایام کے دوران سب ہیں۔

• نووی کہتے ہيں: اس حدیث سے جہاد کے دوران روزہ رکھنے کی فضیلت ثابت ہوتی ہے۔ لیکن یہ فضیلت اس شخص کو حاصل ہوگی، جو روزہ رکھنے کی وجہ سے کسى ضرر کا شکار نہ ہو، کوئی حق ادا کرنے میں کمی نہ کرے اور لڑائی اور جنگ کا کوئی دوسرا اہم کاز متاثر نہ ہو۔
• نفلی روزے کی ترغیب۔
• روزہ میں اخلاص اور اللہ کی خوش نودی حاصل کرنے کا جذبہ رکھنا واجب ہے۔ اور ریا کارى کے طور پر روزہ نہ رکھے، نہ شہرت طلبی کے لئے اور نہ دیگر مقاصد کے لئے۔
• سندی کہتے ہيں: حدیث کے الفاظ "فی سبیل اللہ" کے اندر ایک احتمال یہ ہے کہ مراد فقط نیت کی اصلاح ہو۔ جب کہ دوسرا احتمال یہ ہے کہ اس نے روزہ جنگ کے دوران رکھا ہو۔ دوسرا معنی ہی متبادر ہے۔
• ابن حجر کہتے ہیں: جہاں تک حدیث کے الفاظ "سبعین خریفا" کی بات ہے، تو ویسے تو خریف سال کا ایک معلوم وقت ہے، لیکن یہاں مراد سال ہی ہے۔ یہاں سال کے ديگر موسموں، جیسے گرمی، جاڑا اور بہار وغیرہ کو چھوڑ کر بطور خاص خریف کا ذکر اس لیے کیا گیا ہے کہ خریف اس ناحیے سے سب سے پاکیزہ موسم ہے کہ اس میں پھل توڑے جاتے ہيں۔

1. صفحہ رئیسی
2. فقہ و اصولِ فقہ
3. فقہِ عبادات (عبادات سے متعلق شرعی مسائل)
4. روزہ
5. نفلی روزہ
6. حدیث

• رسول اللہ ﷺ کسی مہینے میں روزے نہ رکھتے، تو ہمیں یوں لگنے لگتا کہ آپ ﷺ اس مہینے میں روزہ رکھیں گے ہی نہیں اور روزہ رکھنا شروع کر دیتے، تو ہمیں محسوس ہونے لگتا کہ آپ ﷺ اس میں سے کوئی دن بھی بنا روزے کے نہیں رہیں گے۔ رات کو آپ اگر رسول اللہ ﷺ...
• جس نے ہمیشہ روزہ رکھا، اس نے دراصل روزہ ہی نہیں رکھا۔ مہینے کے تین روزے سال بھر روزہ رکھنے کی طرح ہیں
• سوموار اور جمعرات کو (اللہ کے ہاں) اعمال پيش کیے جاتے ہيں، لہٰذا مجھے يہ پسند ہے کہ ميرا عمل (بارگاہِ الٰہی میں) پيش کیا جائے تو ميں روزے سے ہوں...
• تم میں سے کوئی شخص جمعہ کے دن روزہ نہ رکھے مگر ایک دن پہلے یا اس کے ایک (دن) بعد روزہ رکھتا ہو۔