ప్రవక్త సల్లల్లాహు అలైహి వసల్లం ఒక ముస్లిం తన సహోదర ముస్లింకు ఎలాంటి ఆయుధాన్నీ (కత్తి, తుపాకీ, మొదలైనవి) చూపించకూడదని, ఉద్దేశపూర్వకంగానైనా లేదా సరదాగానైనా సరే అలా చేయవద్దని హెచ్చరించారు. ఎందుకంటే, షైతాను అతడిని (తొందరపాటులో, కోపంలో) ఆ ఆయుధాన్ని ఉపయోగించేలా ప్రేరేపించవచ్చు; దాంతో అతను తన సహోదరుడిని గాయపరచ వచ్చు లేదా చంపవచ్చు. అలా జరిగితే, అతను పెద్ద పాపంలో పడిపోతాడు, దాని ఫలితంగా నరకంలో పడే ప్రమాదమూ ఉంది.

• ముస్లిం రక్తం యొక్క పవిత్రతపై వివరణ
• ఒక ముస్లిమ్‌ తోటి ముస్లింను గౌరవించడం తప్పనిసరి మరియుఅతడు తన చేష్టల ద్వారా కానీ, మాటల ద్వారా కానీ ఏ విధంగానైనా సరే ఇతరులకు హాని కలిగించకూడదని నిశ్చయంగా ఇస్లాం ధర్మం ఆదేశిస్తున్నది. అలాంటి హానికరమైన కార్యాల్లో ఒకటి — ఏదైనా ఇనుప వస్తువును లేదా ఆయుధాన్ని తన ముస్లిం సోదరుని వైపు చూపించడం, సరదాగా అయినా, పరిహాసానికి అయినా అలా చేయకూడదు. ఎందుకంటే: షైతాను అతని చేతిని ప్రేరేపించి, ఆ సోదరునిపై దాడి చేయాలనే ఆలోచనను అతనిలో కలిగించ వచ్చు. లేదా షైతాన్ అతని చేతిలోని ఆయుధాన్ని అలనాలోచితంగా విసిరి వేయించి, అది అతడి సోదరుడికి తగిలేలా చేసి, అతడికి హాని జరిగేలా చేయవచ్చు.
• నిషేధించబడినదానికి దారి తీసే పనులను నిషేధించడం ద్వారా వాటి మార్గాలను పూర్తిగా అడ్డుకోవడం.
• సమాజ భద్రత మరియు ప్రజల మధ్య సంబంధాలను కాపాడుకోవడంపై శ్రద్ధ వహించాలి. సూచించడం లేదా బెదిరించడం ద్వారా కూడా ఎవరినీ భయభ్రాంతులను చేయకూడదు.

1. హోమ్
2. ఫిఖ్ మరియు దాని నియమాలు
3. నేరాలు
4. హదీస్

• ఎవరైనా కొండపై నుంచి దూకి ఆత్మహత్య చేసుకుంటే, నరకంలో కూడా అతడు నిరంతరం అలా దూకుతూనే ఉంటాడు;...
• “ఒక విశ్వాసి తన ధర్మం యొక్క విశాలత్వములోనే (అంటే స్వేచ్ఛగా) ఉంటాడు, అతడు అధర్మంగా (చట్టవిరుద్ధంగా) ఎవరి రక్తమైనా చిందించనంతవరకు.”...