Profeti ﷺ në këtë hadith i urdhëron njerëzit që të pendohen tek Allahu dhe t’i kërkojnë falje Atij shpesh. Ai njofton për veten e tij se pendohet tek Allahu i Lartësuar dhe i kërkon falje Atij çdo ditë më shumë se njëqind herë, edhe pse mëkatet e tij të kaluara dhe të ardhshme janë falur. Kjo tregon përulje dhe adhurim të përsosur ndaj Allahut të Lartësuar.

• Çdo njeri, pa marrë parasysh shkallën dhe nivelin e tij të besimit, ka nevojë të kthehet tek Allahu i Lartësuar dhe ta përmirësojë veten përmes pendimit. Askush nuk është i liruar nga të qenët i mangët në përmbushjen e të drejtave të Allahut të Lartësuar: "Të gjithë ju, o besimtarë, kthehuni tek Allahu të penduar, që të arrini shpëtimin!" (En Nur, 31)
• Pendimi është i përgjithshëm, qoftë për kryerjen e veprave të ndaluara dhe mëkateve, apo për neglizhencën në përmbushjen e detyrimeve të obliguara.
• Sinqeriteti është kusht për pranimin e pendimit. Kushdo që braktis një mëkat për hir të dikujt tjetër përveç Allahut, nuk konsiderohet i penduar.
• Neveviu ka thënë: "Pendimi ka tre kushte: 1. Të braktiset mëkati. 2. Pishmanllëku përse e veproi. 3. Vendosmëria e fortë që të mos kthehet më kurrë te ai mëkat. Nëse mëkati ka të bëjë me të drejtën e një personi tjetër, atëherë ka edhe një kusht të katërt: 4. Të kthehet ajo që është marrë padrejtësisht ose të kërkohet falje nga personi që është dëmtuar."
• Është e rëndësishme të theksohet se kërkimi i faljes nga ana e Profetit ﷺ nuk do të thotë domosdoshmërisht se ai ka bërë mëkate. Përkundrazi, kjo pasqyron përsosmërinë e adhurimit të tij dhe lidhjen e tij të vazhdueshme me përmendjen e Allahut të Lartësuar, si dhe vetëdijen e tij për madhështinë e të drejtave të Allahut dhe mangësitë e robit, pavarësisht sa shumë mundohet ta falënderojë Atë për mirësitë e Tij. Kjo gjithashtu shërben si pjesë e ligjësimit për umetin pas tij, si dhe urtësi të tjera.

1. Ballina
2. Vlera dhe rregullat
3. Vlera
4. Vlera e dhikrit
5. Hadithi

1. Ballina
2. Vlera dhe rregullat
3. Fikhu i dhikrit dhe duave
4. Udhëzimi i Pejgamberit ﷺ në lidhje me dhikrin (përmendjen e Allahut)
5. Hadithi

• “Allahumme leke eslemtu, ve bike amentu, ve alejke tevekkeltu, ve ilejke enebtu, ve bike hasamtu, Allahumme inni eudhu bi izzetike, la ilahe il-la Ente en tuddileni, Entel hajju el-ledhi la jemut, vel xhinu vel insu jemutune", - O Allah, Ty...
• 'Thuaj, nuk ka të adhuruar tjetër veç Allahut, i Cili është i Vetëm, pa ortak, Allahu është më i Madhi, Atij i takon falënderimi i shumtë, i Pastër është Allahu, Zoti i botëve, nuk ka ndryshim dhe as fuqi veçse nëpërmjet Allahut të Gjithëfu...
• se i Dërguari i Allahut ﷺ në sexhde thoshte: “O Allah, m'i fal të gjitha mëkatet: të vogla e të mëdha, të kaluara e të ardhme, të bëra haptas dhe ato fshehtas!”
• Ai është një shejtan që quhet Hinzeb. Kur ta vëresh praninë e tij, kërko mbrojtjen e Allahut kundrejt tij dhe pështyj tri herë lehtë nga ana jote e majtë!