رسول الله صلی الله علیه وسلم د کوچني اختر او لوی اختر په ورځو کې له روژې نیولو منع کړې ده؛ کوچنی اختر د رمضان له میاشتې وروسته د بوزې ورځ ده، او د لوی اختر ورځ نو له قربانۍ څخه د خوراک ورځ ده.

• د کوچني اختر، لوی اختر او د تشریق په ورځو کې د روژې نیولو تحریم؛ ځکه چې د تشریق ورځې هم د قربانۍ د ورځې پسې دي، مګر هغه څوک چې قرباني نه لري نو کولی شي چې د تشریق ورځې روژه ونیسي.
• ابن حجر ویلي: ویل کېږي چې: د دوه وو ورځو د یادونې ګټه دا ده چې پدې ورځو کې د بوزه کېدلو د وجوب لامل ته اشاره وشي چې هغه د روژې سره یو واټن رامنځته کول دي، او دا چې په بوزه کېدو سره یې بشپړېدل ښکاره شي، او بل د قربانۍ د هغې قربانۍ په خاطر چې الله تعالی ته پرې تقرب حاصلېږي، تر څو ترې خوراک وکړي.
• خطیب ته په کار دي چې په خطبه کې د وخت اړوند احکام ذکر کړي او د مناسباتو پلټنه وکړي.
• له قربانۍ څخه د خوړلو مشروعیت.