Ang Propeta noon (basbasan siya ni Allāh at pangalagaan), kapag humiga siya sa higaan niya upang matulog, ay nag-uunan ng kanang kamay niya at naglalagay ng kanang pisngi niya sa ibabaw nito at nagsasabi: "O Allāh," Panginoon ko, "magsanggalang Ka sa akin" at mangalaga ka sa akin "laban sa pagdurusang dulot Mo" at parusa Mo "sa araw na magtitipon Ka o magbubuhay Ka ng mga lingkod Mo" para sa Araw ng Pagtutuos sa Araw ng Pagbangon.

• Ang kainaman ng pinagpalang panalanging ito at ang pagsasakaibig-ibig ng pagpapanatili nito bilang isang pagtulad sa Propeta (basbasan siya ni Allāh at pangalagaan).
• Ang pagsasakaibig-ibig ng paghiga sa kanang tagiliran.
• Nagsabi si As-Sindīy: Ang sabi niya: "O Allāh, magsanggalang Ka sa akin laban sa pagdurusang dulot Mo" ay nagsaad ito na nararapat sa nakapag-uunawa na gumawa sa pagtulog niya bilang isang kaparaanan sa pag-alaala sa kamatayan at pagbuhay na matapos nito.
• Ang pagkasanggalang laban sa pagdurusang dulot ni Allāh sa Araw ng Pagbangon ay magiging sa pamamagitan ng kabutihang-loob ni Allāh at awa Niya sa pamamagitan ng pagtutuon sa tao sa maayos na gawa at kapatawaran ni Allāh sa mga pagkakasala niya.
• Ang pagpapakumbaba ng Propeta (basbasan siya ni Allāh at pangalagaan) sa Panginoon niya at Mapagtangkilik niya.
• Ang pagpapatibay sa pagkalap at panunumbalik at na ang mga tao ay mga babalik sa Panginoon nila upang makipagtuos sa kanila sa mga gawa nila. Kaya ang sinumang nakatagpo ng kabutihan ay magpuri kay Allāh (napakataas Siya) at ang sinumang nakatagpo ng mababa pa roon ay huwag ngang manisi kundi sa sarili niya. Ang mga ito lamang ay mga gawain ng mga lingkod, na mag-iisa-isa ng mga ito si Allāh sa kanila.
• Ang pagsisigasig ng mga Kasamahan (malugod si Allāh sa kanila) sa paglilinaw sa mga kalagayan ng Propeta (basbasan siya ni Allāh at pangalagaan) sa pagtulog niya.
• Ang sabi niya [sa ibang salaysay]: "naglalagay ng kanang kamay niya sa ilalim ng pisngi niya" na kabilang sa nakahiratian niya (basbasan siya ni Allāh at pangalagaan) at ang pagkakanan sa bawat gawain maliban sa anumang nasaad ang patunay laban sa kasalungatan niyon.
• Ang pagtulog sa kanang bahagi ng katawan ay higit na mabilis sa pagkatawag-pansin sa pagkawala ng estabilidad ng puso sa kalagayang iyon at higit na maginhawa para sa puso dahil ito ay nasa gawing kaliwa. Kung sakaling natulog ang tao sa gawing kaliwa ng katawan, makapipinsala ito sa puso dahil sa pagkiling ng mga bahagi ng katawan dito.

1. Ang Pangunahin
2. Ang mga Kainaman at ang mga Kaasalan
3. Ang mga Kaasalang Ayon sa Sharī`ah
4. Ang mga Kaasalan ng Pagtulog at Paggising
5. Ang ḥadīth

• Kapag nagsagawa ng wuḍū' ang isa sa inyo, maglagay siya ng tubig sa ilong niya, pagkatapos magsinga siya nito. Ang sinumang mag-iwang, gawin niya sa gansal na bilang
• Katotohanan ang impyernong ito ay kalaban ninyo, at kapag kayo ay nakatulog na, ay papatayin o papawiin ko siya sa inyo
• Huwag ninyong iwanan ang apoy sa tahanan ninyo kapag kayo ay matutulog
• Sabihin mong: O Allah! tagapaglikha ng mga kalangitan at kalupaan-ang Nakakaalam sa mga lingid at mga nakikita;Panginoon ng lahat ng bagay at Tagapamahala nito,Ako ay sumasaksi na walang ibang diyos na dapat sambahain maliban sa Iyo,Ako ay ...