တမန်တော်မြတ် (ဆွလ္လလ္လာဟုအလိုင်းဟိဝစလ္လမ်)က ရှင်းပြတော်မူသည်မှာ မည်သူမဆို သာသနာတော်၌ တရားသစ်တီထွင်မည် သို့မဟုတ် ကုရ်အာန်ကျမ်းမြတ်နှင့် ဟဒီးဆ်တော်တွင် အထောက်အထားမရှိသော ကိစ္စတစ်စုံတစ်ရာကို ပြုလုပ်မည်ဆိုပါက ထိုလုပ်ရပ်သည် ပြုလုပ်သူထံမှ ပယ်ချခြင်းခံရမည်ဖြစ်ပြီး၊ အလ္လာဟ်အရှင်မြတ်ထံတော်တွင် လက်ခံသဘောတူခြင်းခံရမည် မဟုတ်ပါ။

• ခဝပ်ကိုးကွယ်မှုသည် ကုရ်အာန်ကျမ်းမြတ်နှင့် စွန္နဟ်တွင်ပါရှိသည့် အရာများအပေါ်တွင်သာ အခြေခံသည်။ ကျွန်ုပ်တို့သည် အလ္လာဟ်အရှင်မြတ်ကို အရှင်မြတ် သတ်မှတ်ထားသည့် ‘ရှရီအဟ်’တရားလမ်းစဉ်အတိုင်းသာ ခဝပ်ကိုးကွယ်ရမည်ဖြစ်ပြီး၊ တရားသစ်တီထွင်ကာ အသစ်အဆန်းများပြုလုပ်၍ ခဝပ်ကိုးကွယ်ခွင့်မရှိပါ။
• သာသနာသည် အတွေးအခေါ် အယူအဆနှင့် ကောင်းသည်ဟု ထင်မြင်ချက်တို့အပေါ် အခြေမခံဘဲ တမန်တော်မြတ် (ဆွလ္လလ္လာဟုအလိုင်းဟိဝစလ္လမ်)အား နောက်လိုက်ခြင်းပေါ်တွင်သာ အခြေခံထားသည်။
• အစ္စလာမ်သာသနာသည် ပြီးပြည့်စုံကြောင်း ဤဟဒီးဆ်တော်က ညွှန်ပြထားသည်။
• ‘ဗိဒ်အဟ်’ဟူသည် တမန်တော်မြတ် (ဆွလ္လလ္လာဟုအလိုင်းဟိဝစလ္လမ်)နှင့် ဆွဟာဗဟ် သာဝကများခေတ်တွင် ဘာသာရေးအဖြစ်မရှိခဲ့သော အသစ်တီထွင်ထားသည့် အကီဒဟ်’ယုံကြည်မှု၊ ပြောဆိုမှု၊ လုပ်ဆောင်မှုအားလုံးကိုခေါ်ဆိုသည်။
• ဤဟဒီးဆ်တော်သည် အစ္စလာမ့် အခြေခံစည်းမျည်းများအနက်မှ တစ်ခုဖြစ်ပြီး အမလ်ကျင့်ဆောင်မှုများအတွက် စံသတ်မှတ်ချက်တစ်ခုလည်းဖြစ်သည်။ အလ္လာဟ်အရှင်မြတ် ကျေနပ်နှစ်သက်ရန် ရည်ရွယ်ချက် မပါသော အမလ်ကျင့်ဆောင်မှုတိုင်းအတွက် ပြုလုပ်သူသည် အကျိုးကုသိုလ် မရရှိသလို တမန်တော်မြတ် (ဆွလ္လလ္လာဟုအလိုင်းဟိဝစလ္လမ်)၏ စွန္နသ်တော်နှင့် မကိုက်ညီသည့် အမလ်ကျင့်ဆောင်မှုတိုင်းသည် ပြုလုပ်သူထံမှ ပယ်ချခြင်းခံရမည်ဖြစ်သည်။
• ဤဟဒီးစ်တော်သည် ဗိဒ်အသ်လုပ်ရပ်များနှင့် ဖြစ်ပျက်နေသော မကောင်းမှုများကို ပယ်ချရန် အခြေခံမူတစ်ရပ်ဖြစ်သည်။
• သာသနာရးကိစ္စများတွင် အသစ်တီထွင်ခြင်းကိုတားမြစ်ထားပြီး၊ လောကီရေးကိစ္စများတွင် အသစ်တီထွင်ခြင်းကို တားမြစ်ထားခြင်း မရှိပါ။

1. ပင်မစာမျက်နှာ
2. အကီဒဟ် ယုံကြည်ချက်။
3. အမည်နာမများနှင့် အမိန့်ပညတ်ချက်များ။
4. တရားသစ်တီထွင်ခြင်း။
5. ဟဒီးဆ်

• လမ်းမှန်တရားဘက်သို့ ဖိတ်ခေါ်သူသည် ထိုလမ်းမှန်တရားကို လိုက်နာကျင့်သုံးသူရရှိသည့် အကျိုးကုသိုလ်အတိုင်း အကျိုးကုသိုလ် ရရှိမည်ဖြစ်သည်။ ထိုသို့ရရှိခြင်းကြောင်း လိုက်နာကျင့်သုံးသူများ၏ အကျိုးကုသိုလ်တွင် တစ်စုံတစ်ရာ လျော့နည်းသွားမည် မဟုတ်ပေ။...
• မည်သူမဆို ကျွန်ုပ်တို့၏ ဤသာသနာတော်၌ မပါရှိသည့်အရာကို တီထွင်ဖန်တီးခဲ့လျှင် ထိုအရာသည် ပယ်ချခြင်းခံရမည်ဖြစ်သည်။...