Annabi - tsira da amincin Allah su tabbata agare shi - ya bada labarin cewa wasu mutane ba za su taɓa gushewa ba daga al'ummata suna masu rinjaye akan mutane, masu rinjayar waɗanda suka saɓa musu, hakan har sai al'amarin Allah ya zo musu ta hanyar karɓar rayukansu a ƙarshen zamanin duniya kafin tashin alƙiyama.

• Mu'ujiza bayyananniya ga Annabi - tsira da amincin Allah su tabbata agare shi -, domin cewa wannan siffar bata gushe ba da godiyar Allah tun daga zamanin Annabi - tsira da amincin Allah su tabbata agare shi - har zuwa yanzu, kuma (wannan siffar) ba za ta gushe ba har sai al'amarin Allah ya zo wanda aka ambata a cikin hadisin.
• Falalar tabbata akan gaskiya da kuma aiki da ita, da kwaɗaitarwa akan hakan.
• Rinjayar Addini nau'i biyu ne: Kodai rinjaye da hujja da kuma bayani da bayyana, ko rinjaye da ƙarfi da kuma makami, kuma rinjayen mai wanzuwa ne da hujja da kuma bayani; domin cewa hujjar Musulunci ita ce Alƙur'ani, shi mai rinjaye ne kuma mai nasara ne akan maƙiyansa, sai dai nau'i na biyu na rinjaye, shi ne rinjayen ƙarfi da makami to wannan da gwargwadan imani ne da kuma tabbata a cikin ƙasa.